ತ್ರಿಶೂರು: ದೇಶದ ಮೊದಲ ಕೊರೋನಾ ಸೋಂಕಿತೆ ಎಂದು ಗುರುತಿಸಿಕೊಂಡಿರುವ ವೈದ್ಯಕೀಯ ವಿದ್ಯಾರ್ಥಿನಿಯಲ್ಲಿ ಮತ್ತೆ ಕೊರೋನಾ ಸೋಂಕು ಕಾಣಿಸಿಕೊಂಡಿರುವುದಾಗಿ ಕೇರಳದ ಆರೋಗ್ಯ ಇಲಾಖೆ ಮಂಗಳವಾರ ತಿಳಿಸಿದೆ.
ಚೀನಾದ ವುಹಾನ್ ವಿಶ್ವವಿದ್ಯಾಲಯದಲ್ಲಿ ಮೂರನೇ ವರ್ಷದ ವೈದ್ಯಕೀಯ ವಿದ್ಯಾರ್ಥಿನಿಯಾಗಿದ್ದ ಈಕೆಯ ಆರ್‍ಟಿ-ಪಿಸಿಆರ್ ಪಾಸಿಟಿವ್ ಬಂದಿದ್ದು , ಮತ್ತೆ ಸೋಂಕು ತಗಲಿದೆ.ಆದರೆ ಈಕೆಯಲ್ಲಿ ಯಾವುದೇ ಸೋಂಕಿನ ಲಕ್ಷಣಗಳು ಕಂಡುಬಂದಿಲ್ಲ ಎಂಬುದಾಗಿ ತ್ರಿಶೂರಿನ ಡಿಎಂಒ ಡಾ.ಕೆ.ಜೆ.ರೀನಾ ತಿಳಿಸಿದ್ದಾರೆ.
ಈಕೆಯ ಸ್ಯಾಂಪಲ್‍ನನ್ನು ಹೆಚ್ಚಿನ ಪರೀಕ್ಷೆಗಾಗಿ ದಿಲ್ಲಿಗೆ ಒಯ್ಯಲಾಗುವುದು. ಆರ್‍ಟಿ-ಪಿಸಿಆರ್ ಪಾಸಿಟಿವ್ ಆಗಿತ್ತು.ಆ್ಯಂಟಿಜೆನ್ ನೆಗೆಟಿವ್ ಆಗಿತ್ತು. ಈಕೆಯೀಗ ಮನೆಯಲ್ಲಿದ್ದು, ಯಾವುದೇ ಸಮಸ್ಯೆಗಳಿಲ್ಲ ಎಂದು ವೈದ್ಯರು ತಿಳಿಸಿದ್ದಾರೆ.
2020ರ ಜ.30ರಂದು ಈಕೆ ಸೆಮಿಸ್ಟರ್ ರಜೆಯಲ್ಲಿ ಊರಿಗೆ ಬಂದಿದ್ದಾಗ ಆಕೆಯಲ್ಲಿ ಕೊರೋನಾ ಸೋಂಕು ಪತ್ತೆಯಾಗಿತ್ತು.ಈ ಮೂಲಕ ಭಾರತದಲ್ಲೂ ಮೊದಲ ಕೋವಿಡ್-19ಪ್ರಕರಣ ದಾಖಲಾಗಿತ್ತು.ಮೂರು ವಾರಗಳ ಕಾಲ ಈಕೆ ತ್ರಿಶೂರ್ ಮೆಡಿಕಲ್ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದ ಬಳಿಕ ಎರಡು ಬಾರಿಯ ಪರೀಕ್ಷೆಯಲ್ಲೂ ನೆಗೆಟಿವ್ ಬಂದಿದ್ದು, ಚೇತರಿಸಿಕೊಂಡಿರುವುದು ದೃಢಪಟ್ಟ ಬಳಿಕ ಫೆ.20ರಂದು ಆಸ್ಪತ್ರೆಯಿಂದ ಬಿಡುಗಡೆಗೊಂಡಿದ್ದಳು.
