ಜಯಲಲಿತಾಗೆ ರಾಜಕೀಯ ಕಡುವೈರಿ… ವರ್ಣರಂಜಿತ ವ್ಯಕ್ತಿತ್ವದ ಮೇರು ಕಲಾವಿದ ಈ ಕರುಣಾನಿಧಿ!

ಎಂ.ಜಿ. ರಾಮಚಂದ್ರನ್ ಬಳಿಕ ಎಐಎಡಿಎಂಕೆ ಸಾರಥ್ಯ ವಹಿಸಿಕೊಂಡ ಜೆ.ಜಯಲಲಿತಾ 1991 ರಿಂದ ಕರುಣಾನಿಧಿಗೆ ರಾಜಕೀಯ ಕಡುವೈರಿಯಾಗಿ ಯುದ್ಧಕ್ಕೆ ನಿಂತರು… ತಮಿಳುನಾಡಿನಲ್ಲಿ ಎರಡೇ ಪಕ್ಷದ ನಡುವೆ ಹೋರಾಟ.. ಒಮ್ಮೆ ಅವರು… ಇನ್ನೊಮ್ಮೆ ಇವರು… ಈಗಲೂ ಅದೇ ಸಂಪ್ರದಾಯ…  ತಮಗಾದ ಅವಮಾನದಿಂದ ಜರ್ಜರಿತರಾದ ಜಯಲಲಿತಾ ಅದನ್ನೇ ಸವಾಲಾಗಿ ಸ್ವೀಕರಿಸಿ 1991 ರಲ್ಲಿ ಕರುಣಾನಿಧಿ ವಿರುದ್ಧ ಸೆಟೆದು ನಿಂತು ಅಧಿಕಾರಿಕ್ಕೆ ಬಂದರು…  ಆದರೆ, ರಾಜಕೀಯ ಅನುಭವವಿಲ್ಲದ ಜಯಾ ಅಷ್ಟೇ ಬೇಗ ಭ್ರಷ್ಟಾಚಾರದ ಕುಣಿಕೆಗೆ ಸಿಲುಕಿ ಅಧಿಕಾರ ಕಳೆದುಕೊಂಡರು.. 1996 ಕರುಣಾನಿಧಿ ಅಧಿಕಾರಕ್ಕೆ ಬಂದಾಗ, ಭ್ರಷ್ಟಾಚಾರ ಪ್ರಕರಣದಲ್ಲಿ ಜಯಲಲಿತಾ ಜೈಲಿಗೆ ಹೋಗುವಂತಾಯಿತು.

ಮತ್ತೆ ಅಧಿಕಾರಕ್ಕೆ ಬಂದ ಜಯಲಲಿತಾ ಕರುಣಾನಿಧಿ ಅವರನ್ನ ನಡುರಾತ್ರಿ ಪೊಲೀಸರಿಂದ ಬಂಧಿಸಿ ಸೇಡು ತೀರಿಸಿಕೊಂಡಿದ್ದರು. ಒಟ್ಟಿನಲ್ಲಿ ಜಯಾ- ಕರುಣಾ ಹಾವು ಮುಂಗುಸಿ ಆಟ ತಮಿಳುನಾಡು ಅಷ್ಟೇ ಅಲ್ಲದೆ ದೇಶದ ಗಮನ ಸೆಳೆದಿತ್ತು.. ಇದಕ್ಕೆಲ್ಲ ಈಗ ತೆರೆ ಬಿದ್ದಿದೆ.  ಇಬ್ಬರು ನಾಯಕರು ಇಹಲೋಕ ತ್ಯಜಿಸಿರುವುದರಿಂದ ಈಗ ತಮಿಳುನಾಡಿನಲ್ಲಿ ನಿರ್ವಾತ ನಿರ್ಮಾಣವಾಗಿದೆ.

ಇನ್ನು ಕರುನಾನಿಧಿ ರಾಜಕೀಯದಲ್ಲಿ ಮಾತ್ರವಲ್ಲದೇ ಚಿತ್ರರಂಗದಲ್ಲೂ ಹೆಸರು ಮಾಡಿದ್ದಾರೆ. ಕಥೆಗಾರರಾಗಿ ತಮ್ಮ ವೃತ್ತಿ ಜೀವನವನ್ನುಆರಂಭಿಸಿದರ ಇವರು, ಐತಿಹಾಸಿಕ ಮತ್ತು ಸಾಮಾಜಿಕ ಕಥೆಗಳನ್ನ ಬರೆಯುವುದರಲ್ಲಿ ನಿಸ್ಸಿಮರು.