ಮುಂಬಯಿ: ಭಾರತೀಯ ರಿಸರ್ವ್ ಬ್ಯಾಂಕ್ ಮೂರನೆಯ ದ್ವೈಮಾಸಿಕ ನೀತಿ ಬಿಡುಗಡೆ ಮಾಡಿದ್ದು, ರೆಪೊ ಮತ್ತು ರಿವರ್ಸ್‌ ರೆಪೊ ದರವನ್ನು ಏರಿಕೆ ಮಾಡಿದೆ. ಇದರಿಂದ ಗ್ರಾಹಕರ ಸಾಲದ ಮೇಲಿನ ಬಡ್ಡಿ ದರ ಏರಿಕೆಯಾಗುವ ಸಾಧ್ಯತೆ ಇದೆ.
ರೆಪೊ ದರವನ್ನು 25 ಬೇಸ್‌ ಪಾಯಿಂಟ್‌ ಹೆಚ್ಚಳ ಮಾಡಲಾಗಿದೆ. ಸದ್ಯ ರೆಪೊ ದರ ಶೇಕಡ 6.25ರಷ್ಟಿದೆ.
ಇದರ ಜತೆಗೆ ರಿವರ್ಸ್‌ ರೆಪೊ ದರವವನ್ನೂ 25 ಬೇಸ್‌ ಪಾಯಿಂಟ್‌ ಹೆಚ್ಚಳ ಮಾಡಲಾಗಿದೆ. ಅದು ಕೂಡ ಶೇಕಡ 6.25ರಷ್ಟಿದೆ.
ಐದು ವರ್ಷದಲ್ಲಿ ಇದೇ ಮೊದಲ ಬಾರಿಗೆ ರೆಪೊ ಮತ್ತು ರಿವರ್ಸ್‌ ರೆಪೊ ದರಗಳು ಏರಿಕೆಯಾಗಿದೆ.
ಬ್ಯಾಂಕ್‌ಗಳಿಗೆ ಆರ್‌ಬಿಐ ನೀಡುವ ಸಾಲದ ಮೇಲಿನ ಬಡ್ಡಿ ದರ ರೆಪೊ ದರ. ಅದೇ ರೀತಿ ಬ್ಯಾಂಕ್‌ಗಳು ಆರ್‌ಬಿಐಗೆ ನೀಡುವ ಸಾಲದ ಮೇಲಿನ ಬಡ್ಡಿ ದರವೇ ರಿವರ್ಸ್‌ ರೆಪೊ ದರವಾಗಿದೆ.
ಆರ್‌ಬಿಐ ನಿಗದಿಪಡಿಸುವ ನೀತಿಯನ್ನು ಬಹುತೇಕ ಎಲ್ಲ ಬ್ಯಾಂಕ್‌ಗಳು ಅನುಸರಿಸುತ್ತವೆ. ದೇಶದ ಅತಿ ದೊಡ್ಡ ಬ್ಯಾಂಕ್ ಭಾರತೀಯ ಸ್ಟೇಟ್‌ ಬ್ಯಾಂಕ್ ಕೂಡ ಆರ್‌ಬಿಐ ನೀತಿಯನ್ನೇ ಫಾಲೋ ಮಾಡುತ್ತದೆ.
ಆರ್‌ಬಿಐ ಗವರ್ನರ್ ಊರ್ಜಿತ್ ಪಟೇಲ್ ನೇತೃತ್ವದಲ್ಲಿ ಹಣಕಾಸು ನೀತಿ ನಿರೂಪಣೆ ಸಮಿತಿ ಕಳೆದ ಮೂರು ದಿನಗಳಿಂದ ಸಭೆ ಸೇರಿ ನೀತಿಯನ್ನು ಸಿದ್ಧಪಡಿಸಿದೆ.
ಕಳೆದ ಜೂನ್‌ 1ರಿಂದಲೇ ಜಾರಿಗೆ ಬರುವಂತೆ ಕೆಲವು ಬ್ಯಾಂಕ್‌ಗಳು 10 ಬೇಸಿಸ್‌ ಅಂಕ ಹೆಚ್ಚಳ ಮಾಡಿತ್ತು.
ಈಗ ಮತ್ತೊಮ್ಮೆ ರೆಪೊ ದರ ಏರಿಕೆಯಾಗಿರುವರಿಂದ ಬ್ಯಾಂಕ್‌ಗಳ ಸಾಲದ ಮೇಲಿನ ಬಡ್ಡಿ ದರ ಏರಿಕೆಯಾಗುವ ಸಾಧ್ಯತೆ ಇದೆ.
