ಬೆಂಗಳೂರು, ಮೇ 27- ಬಟ್ಟೆ ಮಳಿಗೆಗೆ ಗ್ರಾಹಕರ ಸೋಗಿನಲ್ಲಿ ಬಂದ ಖತರ್ನಾಕ್ ಕಳ್ಳನೊಬ್ಬ ಕ್ಯಾಷ್‍ಬಾಕ್ಸ್‍ನಲ್ಲಿದ್ದ ಹಣ ಕದ್ದು ಇದೀಗ ಪೆÇಲೀಸರಿಗೆ ಸಿಕ್ಕಿಬಿದ್ದಿದ್ದಾನೆ.
ಗಂಗೊಂಡನಹಳ್ಳಿ ನಿವಾಸಿ ಮಹಮ್ಮದ್ ಜಮೀರ್ ಪಾಷ ಬಂಧಿತ ಆರೋಪಿ.
ಚಿಕ್ಕಪೇಟೆಯಲ್ಲಿರುವ ಪುನಗರ್ ಫ್ಯಾಷನ್ ಮಳಿಗೆಗೆ ಗ್ರಾಹಕನಂತೆ ಬಂದು ಕ್ಯಾಷ್‍ಬಾಕ್ಸ್‍ನಲ್ಲಿದ್ದ ಹಣ ಕದ್ದು ಪರಾರಿಯಾಗಿದ್ದ. ಪಾಷ ಮಳಿಗೆಯಲ್ಲಿ ಕಳ್ಳತನ ಮಾಡಿರುವ ದೃಶ್ಯಾವಳಿ ಸಿಸಿಟಿವಿಯಲ್ಲಿ ಸೆರೆಯಾಗಿತ್ತು.
ತನ್ನ ಕೃತ್ಯ ಬಯಲಾಗಿದೆ ಎಂಬ ಅರಿವಿಲ್ಲದ ಪಾಷ ಮತ್ತೆ ಅದೇ ಅಂಗಡಿಯಲ್ಲಿ ಕಾಣಿಸಿಕೊಂಡಿದ್ದ. ತಕ್ಷಣ ಅನುಮಾನ ಬಂದ ಮಾಲೀಕರು ಆತನನ್ನು ಹಿಡಿಯಲು ಯತ್ನಿಸಿದಾಗ ಮಹಡಿ ಹತ್ತಿ ಬಟ್ಟೆ ಬದಲಾಯಿಸಿಕೊಂಡು ಪರಾರಿಯಾಗಲು ಯತ್ನಿಸಿದ.
ಆದರೆ, ಪಟ್ಟು ಬಿಡದೆ ಇಡೀ ಮಳಿಗೆಯನ್ನು ಜಾಲಾಡಿದ ಮಾಲೀಕರು ಆರೋಪಿಯನ್ನು ಬಂಧಿಸಿ ಸಿಟಿ ಮಾರ್ಕೆಟ್ ಪೆÇಲೀಸರಿಗೆ ಒಪ್ಪಿಸಿದ್ದಾರೆ.
ಪೆÇಲೀಸರು ತಮ್ಮ ಬೆತ್ತದ ರುಚಿ ತೋರಿಸುತ್ತಿದ್ದಂತೆ ಆರೋಪಿ ತಪೆÇ್ಪಪ್ಪಿಕೊಂಡಿದ್ದಾನೆ.
