ಗುಹೆಯಲ್ಲಿರುವ ತೋಳ ಹೊರಬರಬೇಕು, ಕೇಂದ್ರ ಸಚಿವ ಸದಾನಂದಗೌಡ

ಬೆಂಗಳೂರು,ಡಿ.5- ತೋಳ ಗುಹೆಯಲ್ಲಿದೆ. ಹೊರಬರಬೇಕು ಅಷ್ಟೇ.. ಎಂದು ಕೇಂದ್ರ ಸಚಿವ ಸದಾನಂದಗೌಡ ಅವರು ಮಾರ್ಮಿಕವಾಗಿ ಹೇಳಿದ್ದಾರೆ.
ದೆಹಲಿಯಲ್ಲಿ ಸುದ್ದಿಗೋಷ್ಟಿಯಲ್ಲಿ ಮಾತನಾಡಿದ ಅವರು, ಸಚಿವ ಸಾ.ರಾ.ಮಹೇಶ್ ಅವರ ಹೇಳಿಕೆಯಾದ ತೋಳ ಬಂತು ತೋಳ ಕಥೆಗೆ ತೀಕ್ಷ್ಣವಾಗಿ ಪ್ರತಿಕ್ರಿಯೆ ನೀಡಿದ್ದಾರೆ.

ಸರ್ಕಾರ ಅಲುಗಾಡುತ್ತಿದೆ ಎಂಬುದು ಸತ್ಯವಾಗಿದ್ದು, ಬೆಳಗಾವಿ ಅಧಿವೇಶನ ಮುಗಿಯುವುದರೊಳಗೆ ಸರ್ಕಾರ ಬಿದ್ದು ಹೋಗಲಿದೆ ಎಂದು ಹೇಳಿದರು.
ಸರ್ಕಾರ ತನ್ನಂತಾನೆ ಬಿದ್ದುಹೋಗಲಿದೆ.ಆದರೆ ಎಲ್ಲದಕ್ಕೂ ಕಾಲ ಕೂಡಿ ಬರಬೇಕು.ಇದೀಗ ಕಾಲ ಕೂಡಿಬಂದಿದ್ದು, ಸರ್ಕಾರ ಬೀಳಲು ಸನಿಹಿತವಾಗಿದೆ ಎಂದು ಡಿವಿಎಸ್ ಹೇಳಿದರು.