ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಶೋಪಿಯಾನ್ ಜಿಲ್ಲೆಯಲ್ಲಿ ಮಾಜಿ ವಿಶೇಷ ಪೊಲೀಸ್ ಅಧಿಕಾರಿಯನ್ನು ಅಪಹರಣ ಮಾಡಿದ ಕೆಲವೇ ಗಂಟೆಗಳಲ್ಲಿ ಅವರನ್ನು ಹತ್ಯೆ ಮಾಡಿದ್ದಾರೆ.
ಅಧಿಕಾರಿ ಅಪಹರಣಕ್ಕೊಳಗಾದ ಕೆಲ ಗಂಟೆಗಳ ಬಳಿಕ ಅವರ ದೇಹ ಗುಂಡು ಹೊಕ್ಕಿದ ಸ್ಥಿತಿಯಲ್ಲಿ ಪತ್ತೆಯಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.
ಬಶರತ್ ಅಹ್ಮದ್ ವಾಗಾಯ್ ಹತ್ಯೆಯಾದ ಮಾಜಿ ವಿಶೇಷ ಪೊಲೀಸ್ ಅಧಿಕಾರಿಯಾಗಿದ್ದಾರೆ. ಅಧಿಕಾರಿಯ ಅಪಹರಣದ ಬೆನ್ನಲ್ಲೇ ಮತ್ತೆ ಮೂವರು ವ್ಯಕ್ತಿಗಳನ್ನೂ ಕೂಡ ಉಗ್ರರು ಅಪಹರಣ ಮಾಡಿದ್ದರು. ನಂತರ ಅವರನ್ನು ಬಿಡುಗಡೆ ಮಾಡಿದ್ದರು.
ಬಿಡುಗಡೆಗೊಂಡ ಯುವಕರನ್ನು ರಿಯಾಜ್ ಅಹ್ಮದ್, ಜಾಹಿದ್ ಅಹ್ಮದ್ ಮತ್ತು ಬಶರತ್ ಅಹ್ಮದ್ ಎಂದು ತಿಳಿದುಬಂದಿದೆ.
