ಹೊಲದಲ್ಲಿ ಕೆಲಸ ಮಾಡುತ್ತಿದ್ದ ಮಹಿಳೆ ಹಾವು ಕಡಿದು ಸಾವು

ಚನ್ನಪಟ್ಟಣ, ಜೂ.26- ಹೊಲದಲ್ಲಿ ಹುಲ್ಲು ಕಟಾವು ಮಾಡುವಾಗ ನಾಗರಹಾವು ಕಡಿದು ಮಹಿಳೆ ಸ್ಥಳದಲ್ಲೇ ಸಾವನ್ನಪ್ಪಿರುವ ಘಟನೆ ಎಂ.ಕೆ.ದೊಡ್ಡಿ ಪೆÇಲೀಸ್ ಠಾಣೆ ವ್ಯಾಪ್ತಿಯ ತಾಲ್ಲೂಕಿನ ಹರೂರು ಮೊಗೇನಹಳ್ಳಿ ಗ್ರಾಮದಲ್ಲಿ ನಡೆದಿದೆ. ವಿಷಪೂರಿತ ನಾಗರಹಾವು ಕಡಿದು ಸಾವನ್ನಪ್ಪಿರುವ ಮಹಿಳೆ ಸುಮಿತ್ರ (39) ಗ್ರಾಮದ ಪುಟ್ಟಲಿಂಗಯ್ಯ ಎಂಬುವರ ಪತ್ನಿಯಾದ ಈಕೆ ಸೀಮೆಹಸುಗಳಿಗೆ ಹುಲ್ಲು ತರಲು ಹೊಲದಲ್ಲಿ ಹೋಗಿ ಹುಲ್ಲು ಕಟಾವು ಮಾಡುವಾಗ ಈ ಘಟನೆ ಸಂಭವಿಸಿದೆ. ನಾಗರ ಹಾವು ಕಡಿತಕ್ಕೊಳಗಾಗಿ ಒದ್ದಾಡುತ್ತಿದ್ದ ಈಕೆಯನ್ನು ಗಮನಿಸಿದ ಸ್ಥಳೀಯರು ತಕ್ಷಣ ನೆರವಿಗೆ ಬಂದರೂ ಹಾವಿನ ವಿಷ ಆಕೆಯ ದೇಹವನ್ನು ಸಂಪೂರ್ಣ ಆವರಿಸಿದ ಪರಿಣಾಮ ಪ್ರಜ್ಞಾಹೀನಳಾದ ಆಕೆ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಈ ಪ್ರಕರಣದ ಬಗ್ಗೆ ಎಂ.ಕೆ.ದೊಡ್ಡಿ ಪೆÇಲೀಸ್ ಠಾಣೆಯಲ್ಲಿ ದೂರುದಾಖಲಾಗಿದ್ದು ಮೃತದೇಹವನ್ನು ನಗರದ ಸಾರ್ವಜನಿಕ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀಕ್ಷೆ ನಡೆಸಿ ವಾರಸುದಾರರಿಗೆ ಒಪ್ಪಿಸಲಾಗಿದೆ