ಮಳೆ ನೀರು ಕೊಯ್ಲು ಮಾಹಿತಿ ಕಾರ್ಯಾಗಾರ

ಶಿರಸಿ :

ಶಿರಸಿ ತಾಲೂಕಾ ಪಂಚಾಯತ ಮತ್ತು ಜಲಭಾರತಿ ಶಿರಸಿರವರು ಒಂದು ಹೆಜ್ಜೆ ಜಲಜಾಗ್ರತಿಯೆಡೆಗೆ ಅಭಿಯಾನದಡಿಯಲ್ಲಿ ಮಳೆನೀರು ಕೊಯ್ಲು ಮಾಹಿತಿ ಕಾರ್ಯಾಗಾರವನ್ನು ಬಿಸಲಕೊಪ್ಪ ಪಂಚಾಯತ ಸಭಾಂಗಣದಲ್ಲಿ ಹಮ್ಮಿಕೊಳ್ಳಲಾಗಿತ್ತು.

ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದ ತಾಲೂಕಾ ಪಂಚಾಯತ ಉಪಾಧ್ಯಕ್ಷರಾದ ಚಂದ್ರು ದೇವಡಿಗ ಎಸಳೆ ಮಳೆಗಾಲದಲ್ಲಿ ಈ ಭಾಗದಲ್ಲಿ ಸುಮಾರು 2500ಮೀ.ಲೀ ರಿಂದ 2800 ಮೀ.ಲೀ. ಮಳೆ ಬೀಳುತ್ತದೆ. ಅಷ್ಟು ನೀರು ವ್ಯರ್ಥವಾಗಿ ಎಲ್ಲೋ ಒಂದು ಕಡೆ ಸಮುದ್ರ ಸೇರುತ್ತದೆ. ಈಗಿನ ಅರಣ್ಯ ನಾಶದ ಪರಿಣಾಮದಿಂದ ಮಳೆ ನೀರು ಭೂಮಿಯಲ್ಲಿ ಇಂಗುವುದಕ್ಕೆ ಅವಕಾಶವಿಲ್ಲದಂತಾಗಿದ್ದು ನೀರು ಭೂಮಿಯೊಳಗೆ ಇಂಗದೇ ಅಂತರ್ಜಲ ಬರಿದಾಗುತ್ತಿದೆ. ಆ ನಿಟ್ಟಿನಲ್ಲಿ ನಾವುಗಳು ಮಳೆ ನೀರನ್ನು ಭೂಮಿಗೆ ಇಂಗಿಸುವ ಕಾರ್ಯ ಮಾಡಬೇಕಾಗಿದೆ ಎಂದರು.

ಗ್ರಾಮ ಪಂಚಾಯತ ವ್ಯಾಪ್ತಿಯ ಮಳೆ ನೀರು ಕೊಯ್ಲು ಮಾಡಲು ನರೇಗಾದಲ್ಲಿ ಹಣಕಾಸು ವ್ಯವಸ್ಥೆ ಕೂಡ ಇದ್ದು ಸಾರ್ವಜನಿಕರು ಅದರ ಉಪಯೋಗ ಪಡೆದು ತಮ್ಮ-ತಮ್ಮ ಮನೆಯ ಛಾವಣೆಯ ನೀರನ್ನು ಇಂಗಿಸುವ ಪ್ರಯತ್ನಿಸಬೇಕೆಂದರು. ವೇದಿಕೆಯಲ್ಲಿ ತಾಲೂಕಾ ಪಂಚಾಯತ ಸದಸ್ಯರಾದ ಲತಾ ರವಿ ನಾಯ್ಕ, ವಿ.ಎಸ್.ಎಸ್ ಅಧ್ಯಕ್ಷರಾದ ಎಸ್.ಎನ್ ಭಟ್ಟ ಹೈಸ್ಕೂಲ್ ಆಡಳಿತ ಸಮಿತಿ ಅಧ್ಯಕ್ಷರಾದ ಎಸ್.ಎನ್.ಭಟ್ಟ , ತಾಲೂಕಾ ಕೆ.ಡಿ.ಪಿ ಸದಸ್ಯರಾದ ಬಿ.ಎಸ್.ಗಂಗಾಧರ, ಗ್ರಾಮ ಪಂಚಾಯತ ಅಧ್ಯಕ್ಷರಾದ ರೇಖಾ ಭಟ್ಟ, ನ್ಯಾಯವಾದಿಗಳಾದ ಗಣಪತಿ ಹೆಗಡೆ ಗ್ರಾಮ ಪಂಚಾಯತ ಸರ್ವ ಸದಸ್ಯರು ಸಾರ್ವಜನಿಕರು ಭಾಗವಹಿಸಿದ್ದರು.

ಗ್ರಾಮ ಪಂಚಾಯತ ಪ್ರಭಾರ ಪಂಚಾಯತ ಅಭಿವೃದ್ಧಿ ಅಧಿಕಾರಿಗಳಾದ ಸಿ ಎಸ್ ಹೆಗಡೆರವರು ನಿರ್ವಹಿಸಿದರು.