ಹುಬ್ಬಳ್ಳಿ ಜೂ೬- ಗದಗದ ಯಂಗ್ ಇಂಡಿಯಾ ಪರಿವಾರದ ೨೦ ನೇ ವಾರ್ಷಿಕ ಅಂಗವಾಗಿ ಇದೇ ಜೂ ೯ ಮತ್ತು ೧೦ ರಂದು ಗದಗ ನಗರದ ವಿ ಡಿಎಸ್ ಟಿಸಿ ಹೈಸ್ಕೂಲ್ ಮೈದಾನದಲ್ಲಿ ರಾಜ್ಯ ಮಟ್ಟದ ಸಂಗೀತ ಸ್ಪರ್ಧೆಯನ್ನು ಆಯೋಜನೆ ಮಾಡಲಾಗಿದೆ ಎಂದು ಕಿರುತೆರೆ, ರಂಗಭೂಮಿ ನಟ ಭರಮಗೌಡ ಪಾಟೀಲ ಹೇಳಿದರು.
ಸುದ್ದಿಗೋಷ್ಠಿಯಲ್ಲಿಂದು ಮಾತನಾಡಿ ಅವರು, ಜೂ ೯ ಮತ್ತು ೧೦ ರಂದು ಎರಡು ದಿನಗಳ ಕಾಲ ಬೆಳಿಗ್ಗೆ ೯ ರಿಂದ ಸಂಜೆ ೬ ರವರೆಗೆ ನಡೆಯುವ ಸ್ಪರ್ಧೆಯಲ್ಲಿ ವಿಜೇತರಾದ ಸಂಗೀತ ನಿರ್ದೇಶಕ ಗುರುಕಿರಣ್ ಹಾಗೂ ಕಾಮಿಡಿ ಕಿಲಾಡಿಗಳ ತಂಡದೊಂದಿಗೆ ವೇದಿಕೆ ಮೇಲೆ ಹಾಡುವ ಅವಕಾಶವಿರುತ್ತದೆ ಎಂದರು.
ಸ್ಪರ್ಧೆಯಲ್ಲಿ ೧೦ ಸಾವಿರ, ೭ ಸಾವಿರ, ೫ ಸಾವಿರ ಕ್ರಮವಾಗಿ ಪ್ರಥಮ, ದ್ವೀತಿಯ ಹಾಗೂ ತೃತೀಯ ಬಹುಮಾನ ನೀಡಲಾಗುವುದು. ಜೊತೆಗೆ ಭಾಗವಹಿಸಿದ ಎಲ್ಲ ಸ್ಪರ್ಧಾಳುಗಳಿಗೆ ಪ್ರಮಾಣ ಪತ್ರ ನೀಡಲಾಗುವುದು ಎಂದರು.
ಕಾರ್ಯಕ್ರಮದ ಆಯೋಜಕ ಪ್ರಭಾಕರ, ಮಿಮಿಕ್ರಿ ಕಲಾವಿದ ರಾಜು ಇದ್ದರು.
