ಬೆಂಗಳೂರು: ವಿಜಯಪುರದ ಇಂಡಿಯಲ್ಲಿ ಕೇಂದ್ರ ಸಚಿವೆ ಸಾದ್ವಿ ನಿರಂಜನ ಜ್ಯೋತಿ ಬಿಜೆಪಿ ಅಭ್ಯರ್ಥಿಗಳ ಪರ ಚುನಾವಣಾ ಪ್ರಚಾರ ನಡೆಸಿದ್ದು, ಕಾಂಗ್ರೆಸ್ ವಿರುದ್ಧ ವಾಗ್ದಾಳಿ ನಡೆಸಿದ್ದಾರೆ.ರಾಹುಲ್ ಗಾಂಧಿ ನಿಯತ್ತಿನಲ್ಲಿ ಇದೆ ಸಮಾಜ ಒಡೆಯುವ ಕೆಲಸ. ಬಿಜೆಪಿ ನಿಯತ್ತಿನಲ್ಲಿದೆ ಸಮಾಜವನ್ನು ಜೋಡಿಸುವುದು ಹಾಗೂ ಸಮಾಜ ವಿಕಾಸ ಮಾಡುವುದು ಎಂದು ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿಗೆ ಟಾಂಗ್ ನೀಡಿದರು.
ಆರ್.ಎಸ್.ಎಸ್ ಹಾಗೂ ಬಿಜೆಪಿ ದಲಿತರ ಮೀಸಲಾತಿ ಮುಗಿಸಲು ನಿಂತಿದೆ ಅಂತಾ ರಾಗಾ ಹೇಳಿದರು.ಆದ್ರೆ, ರಾಗಾ ದಲಿತರ ಹೆಸರಿನಲ್ಲಿ ರಾಜನೀತಿ ಮಾಡ್ತಾ ಇದ್ದಾರೆ.ರಾಗಾ ಸಮಾಜ ಒಡೆಯುವ ಕೆಲಸ ಮಾಡಿದ್ದಾರೆ. ನಾವು ಸಮಾಜ ವಿಕಾಸಕ್ಕಾಗಿ ಕೆಲಸ ಮಾಡ್ತಾ ಇದ್ದೀವಿ.
ಕೇಂದ್ರ ಸರ್ಕಾರ ಸಮಾಜದ ಏಳಿಗೆಗಾಗಿ ದುಡಿಯುತ್ತಿದೆ.ಕರ್ನಾಟಕ ಜನರು ಸಾಲಗಾರರು ಆಗಿದ್ದಾರೆ ಆದ್ರೆ, ಸಚಿವರು ಮಾಲಾ ಮಾಲಾ ಆಗಿದ್ದಾರೆ. ಇಂಥ ಸಚಿವರನ್ನು ಆಯ್ಕೆ ಮಾಡಬಾರದು. ಸಮಾಜವನ್ನು ಒಡೆದು ರಾಜನೀತಿ ಮಾಡುವವರನ್ನು ತೆಗೆದು ಒಗೆಯಬೇಕು.ಭಾರತ ಸ್ವಚ್ಛವಾಗಿರಬೇಕೆಂದು ಮಹಾತ್ಮ ಗಾಂಧೀಜಿ ಕನಸನ್ನು ಪ್ರಧಾನಿ ಮೋದಿ ನನಸು ಮಾಡ್ತಾ ಇದ್ದಾರೆ.
ಸ್ವಚ್ಛ ಭಾರತದಂತೆ ಭಾರತದಲ್ಲಿ ಕಾಂಗ್ರೆಸ್ ಮುಕ್ತ ಮಾಡ್ತಾ ಇದ್ದಾರೆ. ಕಾಂಗ್ರೆಸ್ ಎನ್ನುವ ಭೂತವನ್ನು ತೆಗೆದು ಹಾಕಬೇಕು. ಮೇ 12ರಂದು ಕಾಂಗ್ರೆಸ್ ಪಿಂಡ್ ಬಿಟ್ಟು ದೈವ ಬರದಂತೆ ಮಾಡಬೇಕು ಎಂದು ಗುಡುಗಿದರು.
ಉತ್ತರ ಕನ್ನಡ: ವಿಧಾನಸಭಾ ಚುನಾವಣೆ ಹತ್ತಿರ ಸಮೀಪಿಸುತ್ತಿದ್ದಂತೆ ರಾಜಕಾರಣಿಗಳ ಪ್ರಚಾರ ರಂಗೆರಿದೆ ಅದರಲ್ಲೂ ಸ್ಟಾರ್ ರಾಜಕಾರಣಿಗಳು ರಾಜ್ಯಕ್ಕೆ ಬೇಟಿ ನೀಡಿ ಅಭ್ಯರ್ಥಿಗಳ ಪರ ಪ್ರಚಾರ ನಡೆಸುವಲ್ಲಿ ಮುಂದಾಗಿದ್ದಾರೆ.
ಇಂದು ಉತ್ತರ ಕನ್ನಡ ಜಿಲ್ಲೆಯ ಹಳಿಯಾಳ ವಿಧಾನ ಸಭಾ ಕ್ಷೇತ್ರಕ್ಕೆ ಉತ್ತರ ಪ್ರದೇಶದ ಮುಖ್ಯಮಂತ್ರಿ ಯೋಗಿ ಅದಿತ್ಯನಾಥ್ ಬೇಟಿ ನೀಡಿದರು. ಈ ವೇಳೆ ಸಾಕಷ್ಟು ಜನಸಮೂಹ ಯೋಗಿ ಬಾಷಣ ಕೇಳುವುದರಲ್ಲಿ ತಲ್ಲಿನರಾಗಿದ್ದರು. ರಾಜ್ಯದಲ್ಲಿ ಪ್ರವಾಸ ಕೈಗೊಂಡಿರುವ ಯೋಗಿ ಹಳಿಯಾಳ ಜನತೆಯ ಉದ್ದೇಶಸಿಸಿ ಮಾತನಾಡಿದರು. ಇದೆ ವೇಳೆ ಮಾತನಾಡಿದ ಅವರು ಮತ್ತೆ ಕನ್ನಡದಲ್ಲೆ ಪ್ರಚಾರ ಭಾಷಣ ಮುಂದುವರೆಸಿದರು . ಛತ್ರಪತಿ ಶಿವಾಜಿ ಮಹಾರಜರನ್ನ ಯೋಗಿ ಹಾಡಿಹೊಗಳಿದರು ರಾಜ್ಯದಲ್ಲಿ ಬಿಜೆಪಿ ಬಂದ್ರೆ ಪ್ರತಿಯೊಂದು ಕ್ಷೇತ್ರದಲ್ಲಿ ಶಿವಾಜಿ ಮಹಾರಾಜರ ಪುತ್ಥಳಿ ಸ್ಥಾಪನೆ ಮಾಡುತ್ತೆವೆ ಎಂದು ಭರವಸೆ ನೀಡಿದರು.
ಗೋ ಮಾತೆಗೆ ಭಾರತ ದೇಶದಲ್ಲಿ ಪೂಜ್ಯಸ್ಥಾನವಿದೆ ಆದ್ರೆ ಸಿದ್ದರಾಮಯ್ಯ ಗೊ ಭಕ್ಷರಿಗೆ ಬೆಂಬಲಿಸ್ತಾರೆ ಅಂತವರನ್ನ ಹೊಡೆದೊಡಿಸಿ ಎಂದು ಕರೆ ಕೊಟ್ಟರು. ಉತ್ತರ ಪ್ರದೇಶದ ಅಭಿವೃದ್ದಿಯ ಬಗ್ಗೆ ಉದಾಹರಣೆ ನೀಡಿದ ಯೋಗಿ, ಕರ್ನಾಟಕವನ್ನ ಕಾಂಗ್ರೇಸ್ ಪಕ್ಷ ಎಟಿಎಮ್ ಆಗಿ ಬಳಸಿಕೊಳ್ಳುತ್ತಿದೆ ಈ ಭೂಮಿ ಪವಿತ್ರ ಭೂಮಿ ಇಲ್ಲಿ ಬಿಜೆಪಿಯೇ ಅಧಿಕಾರಕ್ಕೆ ಬರಬೇಕು. ಜಿಹಾದಿಗಳನ್ನ ಬೆಂಬಲಿಸುತ್ತಿರುವ ಸಿದ್ದರಾಮಯ್ಯ ಸರಕಾರ ರೈತರ, ಸಾಮಾನ್ಯ ಜನರ ವಿರೋದಿ ಸರಕಾರವಾಗಿದೆ ಎಂದು ಕಿಡಿಕಾರಿದರು
ಬಾಗಲಕೋಟ: ಬಾಗಲಕೋಟೆ ಜಿಲ್ಲೆಗೆ ಉತ್ತರ ಪ್ರದೇಶ ಸಿಎಂ ಯೋಗಿ ಆದಿತ್ಯ ನಾಥ್ ಭೇಟಿ ನೀಡಿ ಮುಧೋಳ, ತೇರದಾಳದಲ್ಲಿ ಬಹಿರಂಗ ಸಭೆ ನಡೆಸಲಿದ್ದಾರೆ. ನಾಳೆ ಯೋಗಿ ಆದಿತ್ಯನಾಥ್ ಬಿಜೆಪಿ ಅಭ್ಯಥಿ೯ಗಳ ಪರ ಪ್ರಚಾರಕ್ಕೆ ಬಾಗಲಕೋಟೆ ಜಿಲ್ಲೆಗೆ ಭೇಟಿ ನೀಡಲಿದ್ದಾರೆ. ಮದ್ಯಾಹ್ನ 2 ಗಂಟೆಗೆ ಜಿಲ್ಲೆಯ ಮುಧೋಳ ಪಟ್ಟಣಕ್ಕೆ ಆಗಮಿಸೋ ಯೋಗಿ ಆದಿತ್ಯನಾಥ ಪಟ್ಟಣದ ಆರ್.ಎಮ್.ಜಿ. ಕಾಲೇಜು ಮೈದಾನದಲ್ಲಿ ನಡೆಯುವ ಸಾವ೯ಜನಿಕ ಬಹಿರಂಗ ಸಭೆಯಲ್ಲಿ ಬಿಜೆಪಿ ಅಭ್ಯಥಿ೯ ಗೋವಿಂದ ಕಾರಜೋಳ ಪರ ಪ್ರಚಾರ ಭಾಷಣ ಮಾಡಲಿದ್ದಾರೆ, ಈ ಹಿನ್ನೆಲೆಯಲ್ಲಿ ಸಕಲ ಸಿದ್ದತೆಗಳನ್ನು ಮಾಡಿಕೊಳ್ಳಲಾಗುತ್ತಿದೆ.
ಮುಧೋಳದ ಸಭೆ ಬಳಿಕ ಮಧೋಳದಿಂದ ತೇರದಾಳ ಪಟ್ಟಣಕ್ಕೆ ಆಗಮಿಸಿ ಬಿಜೆಪಿ ಅಭ್ಯಥಿ೯ ಸಿದ್ದು ಸವದಿ ಪರ ಸಾವ೯ಜನಿಕ ಸಭೆಯಲ್ಲಿ ಪ್ರಚಾರ ಭಾಷಣ ಮಾಡಲಿದ್ದು, ಬಳಿಕ ಧಾರವಾಡ ಜಿಲ್ಲೆಗೆ ಪ್ರಯಾಣ ಬೆಳೆಸಲಿದ್ದಾರೆ.
ಗದಗ; ಅಭ್ಯರ್ಥಿ ಗೆಲುವಿಗೆ ದೀಡನಮಸ್ಕಾರ: ಮೇನಸಿನಕಾಯಿ ಗೆಲುವಿಗೆ ದೇವರ ಮೊರೆ ಹೊದ ಬಿಜೆಪಿ ಕಾರ್ಯಕರ್ತರು
ಗದಗ ಮತ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಅನಿಲ್ ಮೆಣಸಿನಕಾಯಿ ಗೆಲುವಿಗಾಗಿ ಕಾರ್ಯಕರ್ತರು ದೇವರ ಮೊರೆ ಹೋಗಿದ್ದಾರೆ.ಗದಗನ ರಾಚೊಟೇಶ್ವರ ನಗರದ ಏಳುಮಕ್ಕಳ ತಾಯಿ ಗುಡಿಯಿಂದ ರಾಚೊಟೇಶ್ವರ ಗುಡಿವರೆಗೆ ದೀಡ್ ನಮಸ್ಕಾರ ಮಾಡಿದರು.
ಚಿಕ್ಕೋಡಿ :ಬಿಜೆಪಿ ರಾಜ್ಯಾದ್ಯಕ್ಷ ಬಿ ಎಸ್ ಯಡಿಯೂರಪ್ಪ ಇಂದು ಬೆಳಗಾವಿಯ ಕಾಗವಾಡಕ್ಕೆ ಭೇಟಿ ನೀಡಿದ್ದು, ಬಿಜೆಪಿ ಪರ ಬಹಿರಂಗ ಪ್ರಚಾರ ನಡೆಸಿದರು.
ರಾಜು ಕಾಗೆ, ಲಕ್ಷ್ಮಣ ಸವದಿ, ಪಿ ರಾಜೀವ್ ಸೇರಿದಂತೆ ಅನೇಕ ಬಿಜೆಪಿ ಮುಖಂಡರು ಸಭೆಯಲ್ಲಿ ಭಾಗಿಯಾಗಿದ್ದಾರೆ.ರಾಯಬಾಗ, ಕುಡಚಿ, ಅಥಣಿ ಭಾಗದಲ್ಲಿನ ಬಿಜೆಪಿ ಕಾರ್ಯಕರ್ತರು ಕೂಡ ಭಾಗಿದ್ದಾರೆ.
