ಕಾಶ್ಮೀರ ಪ್ರತ್ಯೇಕತಾವಾದಿ ಮುಖಂಡ ಯಾಸಿನ್ ಮಲಿಕ್ ಬಂಧನ

ಶ್ರೀನಗರ: ಜಮ್ಮು-ಕಾಶ್ಮೀರ ಲಿಬರೇಷನ್​ ಫ್ರಂಟ್​ ಮುಖ್ಯಸ್ಥ, ಪ್ರತ್ಯೇಕತಾವಾದಿ ಮುಖಂಡ ಯಾಸಿನ್​ ಮಲಿಕ್​ ಅವರನ್ನು ಪೊಲೀಸರು ಬಂಧಿಸಿದ್ದಾರೆ.

ಶ್ರೀನಗರದ ಮೈಸುಮಾ ಪ್ರದೇಶದಲ್ಲಿರುವ ಮಲಿಕ್​ ಅವರ ನಿವಾಸದಲ್ಲಿ ಪೊಲೀಸರು ಮಲೀಕ್ ರನ್ನು ಬಂಧಿಸಿದ್ದು ಕೊಥಿಬಾಗ್​ ಠಾಣೆಯ ಜೈಲಿನಲ್ಲಿ ಇಡಲಾಗಿದೆ.

ಜಮ್ಮು ಕಾಶ್ಮೀರ ಜನರಿಗೆ ವಿಶೇಷ ಹಕ್ಕು ಮತ್ತು ಸವಲತ್ತುಗಳನ್ನು ಕೊಡುವ ಸಂಬಂಧ 35-ಎ ಆರ್ಟಿಕಲ್​ ವಿಚಾರಣೆ ಫೆ.25 ದಂದು ಸುಪ್ರೀಂಕೋರ್ಟ್​ನಲ್ಲಿ ನಡೆಯಲಿದ್ದು, ಅದಕ್ಕೂ ಎರಡು ದಿನ ಮೊದಲು ಯಾಸಿನ್​ ಮಲಿಕ್​ ಅವರನ್ನು ಬಂಧಿಸಿದ್ದು ಕುತೂಹಲಕ್ಕೆ ಕಾರಣವಾಗಿದೆ.

ಕಳೆದ ವಾರವಷ್ಟೇ ಜಮ್ಮು-ಕಾಶ್ಮೀರದ ಐವರು ಪ್ರತ್ಯೇಕತಾವಾದಿಗಳಿಗೆ ನೀಡಿದ್ದ ಸರ್ಕಾರಿ ಭದ್ರತಾ ಸೌಕರ್ಯವನ್ನು ಅಲ್ಲಿನ ಆಡಳಿತ ವಾಪಸ್ ಪಡೆದಿತ್ತು.

JKLF Chairman Yasin Malik arrested