ಬೆಂಗಳೂರು,ಜ.20- ಕಾರ್ಮಿಕರ ಶೆಡ್‍ನಿಂದ ಹೊರಗೆ ಬಂದ ಮಹಿಳೆಯೊಬ್ಬರಿಗೆ ದುಷ್ಕರ್ಮಿಯೊಬ್ಬ ಚಾಕುವಿನಿಂದ ಚುಚ್ಚಿ ಪರಾರಿಯಾಗಿರುವ ಜೆ.ಜೆ.ನಗರ ಪೋಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಸಂಗೀತ(25) ಗಾಯಗೊಂಡ ಮಹಿಳೆ.
ಹಳ್ಳೆ ಗುಡ್ಡದಳ್ಳಿ 8ನೇ ಕ್ರಾಸ್‍ನಲ್ಲಿ ನಿರ್ಮಾಣ ಹಂತದ ಕಟ್ಟಡದ ಬಳಿ ಲೇಬರ್ ಶೆಡ್‍ಗಳನ್ನು ಹಾಕಿಕೊಂಡು ಕಾರ್ಮಿಕರು ವಾಸಿಸುತ್ತಿದ್ದಾರೆ. ಬೆಳಗ್ಗೆ 5.30ರಲ್ಲಿ ಸಂಗೀತ ಶೆಡ್‍ನಿಂದ ಹೊರಗೆ ಬಂದಾಗ ದುಷ್ಕರ್ಮಿ ಏಕಾಏಕಿ ಆಕೆಯ ಕೈಗೆ ಚುಚ್ಚಿ ಪರಾರಿಯಾಗಿದ್ದಾನೆ.
ಆತ ಯಾರು? ಏತಕ್ಕಾಗಿ ಹೀಗೆ ಮಾಡಿದ್ದಾನೆ ಎಂಬುದು ಗೊತ್ತಾಗಿಲ್ಲ.
ಜೆಜೆನಗರ ಠಾಣೆ ಪೋಲೀಸರು ಈ ಸಂಬಂಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
