ಮುಂಬೈ : ಕಲರ್ ಫುಲ್ ಟೂರ್ನಿ ಐಪಿಎಲ್ ಅತಿ ದೊಡ್ಡ ಶ್ರೀಮಂತ ಕ್ರೀಡೆ ಎಂದು ಕಾರ್ಪೋರೇಟ್ ಸಂಸ್ಥೆಯೊಂದು ಹೇಳಿದೆ. ಬಿಲಿಯನ್ ಡಾಲರ್ ಟೂರ್ನಿ ಐಪಿಎಲ್ ಭಾರತದಲ್ಲಿ ನಡೆಯುವ ಟೂರ್ನಿಗಳ ಪೈಕಿ ಅತಿ ಶ್ರೀಮಂತ ಟೂರ್ನಿ ಅನ್ನೋದು ಮ್ತತೆ ಸಾಬೀತಾಗಿದೆ. .
ಇತ್ತೀಚೆಗಷ್ಟೆ ತನ್ನ 11ನೆ ಆವೃತ್ತಿಯನ್ನ ಪೂರೈಸಿರುವ ಐಪಿಎಲ್ ವಷರ್ದಿಂದ ವರ್ಷಕ್ಕೆ ತನ್ನ ಬ್ರಾಂಡನ್ನ ಹೆಚ್ಚಿಸಿಕೊಳ್ಳುತ್ತಲ್ಲೇ ಬಂದಿದೆ. ಇದೀಗ ಐಪಿಎಲ್ ಜನಪ್ರಿಯತೆ ಬಗ್ಗೆ ವರದಿ ನೀಡಿರುವ ಡಫ್ ಅಂಡ್ ಫೆಲಪ್ಸ್ ಅನ್ನೋ ಕಾರ್ಪೋರೇಟ್ ಸಂಸ್ಥೆ ಬಿಲಿಯನ್ ಡಾಲರ್ ಟೂರ್ನಿ ಕುರಿತು ವಾರ್ಷಿ ವರದಿ ಹೊರ ತಂದಿದೆ.
11ನೇ ಆವೃತ್ತಿ ನಂತರ ಐಪಿಎಲ್ ಶೇಕಡ 19ರಷ್ಟು ಹೆಚ್ಚಿಸಿಕೊಂಡು 6.3 ಶತಕೋಟಿ ಡಾಲರ್ ಮೌಲ್ಯ ಹೆಚ್ಚಿಸಿಕೊಂಡಿದೆ. 2017ರಲ್ಲಿ 5.3 ಶತಕೋಟಿ ಡಾಲರ್ ಗಳಿಸಿತ್ತು. 2016ರಲ್ಲಿ 4.16 ಶತಕೋಟಿ ಡಾಲರ್ ಗಳಿಸಿತ್ತು ಎಂದು ತಿಳಿದು ಬಂದಿದೆ.
2018ರ ಆವೃತ್ತಿಯಲ್ಲಿ ಸ್ಟಾರ್ ಇಂಡಿಯಾ ಮುಂದಿನ ಐದು ವರ್ಷಗಳಿಗೆ 16, 347.5 ಕೋಟಿ ಕೊಟ್ಟು ಪ್ರಸಾರ ಹಕ್ಕುಗಳನ್ನ ಖರೀದಿ ಮಾಡಿತ್ತು.
