ಮುಂಬೈ, ಮೇ 8-ಬಾಲಿವುಡ್ ಬೆಡಗಿ ಸೋನಂ ಕಪೂರ್ ಮತ್ತು ಉದ್ಯಮಿ ಆನಂದ್ ಅಹುಜಾ ವಿವಾಹ ಸಮಾರಂಭ ಇಂದು ಮುಂಬೈನ ಬಾಂದ್ರಾದಲ್ಲಿ ವಿಜೃಂಭಣೆಯಿಂದ ನಡೆಯಿತು.
ಹಿಂದಿ ಚಿತ್ರರಂಗದ ಖ್ಯಾತನಾಮರು ಹಾಗೂ ವಿವಿಧ ಕ್ಷೇತ್ರಗಳ ಗಣ್ಯಾತಿಗಣ್ಯ ಈ ಅದ್ದೂರಿ ವಿವಾಹ ಮಹೋತ್ಸವದಲ್ಲಿ ಭಾಗವಹಿಸಿ ವಧುವರರನ್ನು ಹರಸಿದರು.
ಅನಿಲ್ ಕಪೂರ್ ಮನೆಯಲ್ಲಿ ಮೊನ್ನೆ ಮತ್ತು ನಿನ್ನೆ ಅರಿಶಿಣ, ಮೆಹಂದಿ ಮತ್ತು ಸಂಗೀತ ಸುಧೆ ಶಾಸ್ತ್ರಗಳು ವಿಧಿವತ್ತಾಗಿ ನಡೆದವು. ಇಂದು ಬಾಂದ್ರಾದಲ್ಲಿನ ಸೋನಂ ಅಂಟಿಯ ಭವ್ಯ ಬಂಗಲೆಯಲ್ಲಿ ನಡೆದ ವೈಭವೋಪೇತ ಮದುವೆ ಸಮಾರಂಭದಲ್ಲಿ ಅತಿಗಣ್ಯ ಅತಿಥಿಗಳ ಮಹಾಪೂರವೇ ಹರಿದುಬಂದಿತ್ತು.
