ಮೈಸೂರು, ಮೇ 2-ಕರ್ನಾಟಕ ವಿಧಾನಸಭೆ ಚುನಾವಣೆಗೆ ಇನ್ನು ಕೇಲವೇ ದಿನಗಳು ಬಾಕಿಯಿದ್ದು, ಇಂದು ತಮ್ಮ ತಮ್ಮ ಆಪ್ತರ ಪರ ಸ್ಟಾರ್ ಪ್ರಚಾರಕರು ಪ್ರಚಾರ ನಡೆಸಿದರು.
ರಾಜ್ಯದಲ್ಲಿ ಪ್ರತಿಷ್ಠಿತ ಕ್ಷೇತ್ರವೆಂದು ಪರಿಗಣಿಸಲ್ಪಟ್ಟಿರುವ ಚಾಮುಂಡೇಶ್ವರಿ ಕ್ಷೇತ್ರದಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಪರವಾಗಿ ಖ್ಯಾತನಟಿ ಜಯಮಾಲಾ ಮತ ಯಾಚನೆ ನಡೆಸಿದರು.
ಇಂದು ಬೆಳಗ್ಗೆ ಕೆ.ಆರ್.ನಗರದಲ್ಲಿ ಜೆಡಿಎಸ್ ಅಭ್ಯರ್ಥಿ ಸಾ.ರಾ.ಮಹೇಶ್ ಪರವಾಗಿ ಯಶ್ ಅವರು ಮತಯಾಚನೆ ಮಾಡಿದರು.
ತದನಂತರ ಕೃಷ್ಣರಾಜ ಕ್ಷೇತ್ರಕ್ಕೆ ಆಗಮಿಸಿ ಬಿಜೆಪಿ ಅಭ್ಯರ್ಥಿ ಎಸ್.ಎ.ರಾಮದಾಸ್ ಪರವಾಗಿ ನಟ ಯಶ್ ಮತಯಾಚನೆ ನಡೆಸಿದರು.
ಮತ್ತೊಂದೆಡೆ ನಟಿ ಹಾಗೂ ಬಿಜೆಪಿ ಮುಖಂಡರಾದ ಮಾಳವಿಕಾ ಅವರು ಚಾಮರಾಜ ಕ್ಷೇತ್ರದಲ್ಲಿ ಬಿಜೆಪಿ ಅಭ್ಯರ್ಥಿ ನಾಗೇಂದ್ರ ಪರವಾಗಿ ಮತಯಾಚನೆ ನಡೆಸಿದರು.
ಸ್ಟಾರ್ ಪ್ರಚಾರಕರು ಸಾಂಸ್ಕøತಿಕ ನಗರಿಗೆ ಆಗಮಿಸಿರುವ ಸುದ್ದಿ ತಿಳಿಯುತ್ತಿದ್ದಂತೆ ಅವರನ್ನು ನೋಡುವ ಸಲುವಾಗಿ ಸುತ್ತಮುತ್ತಲ ಊರುಗಳಿಂದ ಜನಸಾಗರವೇ ಹರಿದುಬಂದಿತ್ತು.
ಎಲ್ಲರಿಗೂ ನಗುಮೊಗದಿಂದಲೇ ಉತ್ತರ ನೀಡುತ್ತಾ ಅಭ್ಯರ್ಥಿ ಪರ ಯಶ್ ಅವರು ಮತಯಾಚನೆ ನಡೆಸಿದರು.
