ನವದೆಹಲಿ: ಭಾರಕ್ಕೆ ಸೋಮವಾರ ಬೆಳ್ಳಂಬೆಳಗ್ಗೆ ಒಳ್ಳೆಯ ಸುದ್ದಿ ಸಿಗುತ್ತಿದೆ. 2026 ರ ವೇಳೆಗೆ ಭಾರತವು ವಿಶ್ವದ ನಾಲ್ಕನೇ ಅತಿದೊಡ್ಡ ಆರ್ಥಿಕತೆಯಾಗಲಿದೆ ಎಂದು ಇಂಗ್ಲೆಂಡ್‌ನ ಪ್ರಮುಖ ಸಂಘಟನೆಯಾದ ಸೆಂಟರ್ ಫಾರ್ ಎಕನಾಮಿಕ್ಸ್ ಅಂಡ್ ಬಿಸಿನೆಸ್ ರಿಸರ್ಚ್ (CEBR) ತನ್ನ ಇತ್ತೀಚಿನ ವರದಿಯಲ್ಲಿ ಹೇಳಿಕೊಂಡಿದೆ. ಅದಕ್ಕಿಂತ ಮುಖ್ಯವಾಗಿ, ನಾವು ಜರ್ಮನಿಯಂತಹ ಅಭಿವೃದ್ಧಿ ಹೊಂದಿದ ದೇಶಗಳನ್ನು ಸಹ ಸೋಲಿಸುತ್ತೇವೆ ಎಂದು ಅದು ಉಲ್ಲೇಖಿಸಿದೆ.
‘ವರ್ಲ್ಡ್ ಎಕಾನಮಿ ಲೀಗ್ ಟೇಬಲ್ 2020’ ಎಂದು ಬಿಡುಗಡೆಯಾದ ಈ ವರದಿಯ ಪ್ರಕಾರ, ಭಾರತವು 2026 ರ ವೇಳೆಗೆ 5 ಟ್ರಿಲಿಯನ್ ಆರ್ಥಿಕತೆ ಗುರಿಯನ್ನು ಸಾಧಿಸಲಿದೆ. ಈ ಗುರಿಯನ್ನು ಸಾಧಿಸಲು ಭಾರತ 2024 ರ ಗುರಿಯನ್ನು ಹೊಂದಿದ್ದರೂ, ಅದನ್ನು ಸಾಧಿಸಲು ಇನ್ನೂ ಎರಡು ವರ್ಷಗಳು ಹೆಚ್ಚಿಗೆ ಬೇಕಾಗುತ್ತದೆ ಎನ್ನಲಾಗಿದೆ.
ಈ ವರದಿಯ ಮತ್ತೊಂದು ಒಳ್ಳೆಯ ಸುದ್ದಿ ಏನೆಂದರೆ, ಎಲ್ಲಾ ಅಂಶಗಳನ್ನು ಗಮನದಲ್ಲಿಟ್ಟುಕೊಂಡು ಭಾರತದ ಆರ್ಥಿಕತೆಯು ಎಷ್ಟು ವೇಗವಾಗಿ ಬೆಳೆಯುತ್ತದೆ ಎಂದು ಹೇಳಲಾಗುತ್ತದೆಯೆಂದರೆ 2036 ರ ವೇಳೆಗೆ ಜಪಾನ್‌ನಂತಹ ಬಲವಾದ ಆರ್ಥಿಕತೆಯು ಹಿಂದೆ ಉಳಿಯುತ್ತದೆ. ವಿವಿಧ ನಿಯತಾಂಕಗಳನ್ನು ಗಮನದಲ್ಲಿಟ್ಟುಕೊಂಡು, ಭಾರತವು 2036 ರ ವೇಳೆಗೆ ಮೂರನೇ ಅತಿದೊಡ್ಡ ಆರ್ಥಿಕತೆಯಾಗಲಿದೆ ಎಂದು ಹೇಳಲಾಗಿದೆ.
2019 ರಲ್ಲಿ ಫ್ರಾನ್ಸ್ ಮತ್ತು ಇಂಗ್ಲೆಂಡ್‌ನ ಆರ್ಥಿಕತೆಯನ್ನು ಸೋಲಿಸಿ ಭಾರತ ವಿಶ್ವದ ಐದನೇ ಅತಿದೊಡ್ಡ ಆರ್ಥಿಕತೆಯಾಗಿದೆ ಎಂಬುದು ಗಮನಾರ್ಹ. ಮುಂದಿನ ಐದು ವರ್ಷಗಳಲ್ಲಿ ಭಾರತ ಮತ್ತು ಜರ್ಮನಿ ಮೂರನೇ ಅತಿದೊಡ್ಡ ಮತ್ತು ಪ್ರಬಲ ಆರ್ಥಿಕ ಶ್ರೇಯಾಂಕಕ್ಕಾಗಿ ಸ್ಪರ್ಧಿಸಲಿವೆ ಎಂದು ವರದಿ ಹೇಳಿದೆ.
