ದೆಹಲಿ,ಜು.15-ರಸ್ತೆ ಸಾರಿಗೆ ಮತ್ತು ಹೆದ್ದಾರಿ ಸಚಿವ ನಿತಿನ್ ಗಡ್ಕರಿ ಅವರು ಮೋಟಾರು ವಾಹನಗಳ (ತಿದ್ದುಪಡಿ) ಮಸೂದೆಯನ್ನು ಇಂದು ಲೋಕಭೆಯಲ್ಲಿ ಮಂಡಿಸಿದರು.
ಮೋಟಾರು ವಾಹನ ಕಾಯ್ದೆ, 1988ಕ್ಕೆ ತಿದ್ದುಪಡಿ ತರಲು ಮಸೂದೆ ಬಯಸುತ್ತದೆ. ಸಂಚಾರ ಉಲ್ಲಂಘನೆಗಳ ದಂಡವನ್ನು ಹೆಚ್ಚಿಸುವುದು, ತೃತೀಯ ವಿಮೆಯ ಸಮಸ್ಯೆಗಳನ್ನು ಬಗೆಹರಿಸುವುದು, ಕ್ಯಾಬ್ ಒಟ್ಟುಗೂಡಿಸುವವರ ನಿಯಂತ್ರಣ, ರಸ್ತೆ ಸುರಕ್ಷತೆ ಇವುಗಳನ್ನು ತಿದ್ದುಪಡಿಯಲ್ಲಿ ಪ್ರಸ್ತಾಪಿಸಲಾಗಿದೆ.
ತಮ್ಮ ಚಾಲನಾ ಪರವಾನಗಿಗಳ ರಿಜಿಸ್ಟರ್‍ಗಳನ್ನು ಹೇಗೆ ನಿರ್ವಹಿಸಬೇಕು, ವಾಹನ ನೋಂದಣಿ ಡೇಟಾವನ್ನು ಕೇಂದ್ರಿಕರಿಸಲು ಮತ್ತು ಪ್ರಮಾಣಿಕರಣವನ್ನು ಸಾಧಿಸಲು ಮೋಟಾರು ವಾಹನ ಕಾಯ್ದೆಯ ಷರತ್ತುಗಳನ್ನು ತೆಗೆದುಹಾಕಲು ತಿದ್ದುಪಡಿಯನ್ನು ಮಸೂದೆಯಲ್ಲಿ ಪ್ರಸ್ತಾಪಿಸಲಾಗಿದೆ.
ಸರಕು ಮತ್ತು ಪ್ರಯಾಣಿಕರ ಸಾಗಣಿಕೆಗೆ ಮಾರ್ಗಸೂಚಿಗಳನ್ನು ತರಲು ರಾಷ್ಟ್ರೀಯ ಸಾರಿಗೆ ನೀತಿಯನ್ನು ಪ್ರಸ್ತಾಪಿಸುತ್ತದೆ.
ದೇಶದಲ್ಲಿ ಸಾರಿಗೆ ವ್ಯವಸ್ಥೆಯನ್ನು ಅಭಿವೃದ್ಧಿಪಡಿಸಲು ಬಯಸಿರುವುದಾಗಿ ಸಾರಿಗೆ ಸಚಿವರು ಹೇಳಿದರು. ರಸ್ತೆ ಅಪಘಾತಗಳಲ್ಲಿ ವಾರ್ಷಿಕ ಒಂದು ಲಕ್ಷ ಐವತ್ತು ಸಾವಿರ ಜನರು ಸಾಯುತ್ತಾರೆ ಮತ್ತು ಐದು ಲಕ್ಷ ಜನರು ಗಾಯಗೊಳ್ಳುತ್ತಾರೆ ಎಂದು ಸಚಿವರು ಹೇಳಿದರು.
ಮಸೂದೆಯನ್ನು 18 ರಾಜ್ಯಗಳ ಸಾರಿಗೆ ಸಚಿವರು ಅನುಮೋದಿಸಿದ್ದಾರೆ ಮತ್ತು ಸ್ಥಾಯಿ ಸಮಿತಿ ಮತ್ತು ಜಂಟಿ ಆಯ್ಕೆ ಸಮಿತಿಯು ಈಗಾಗಲೇ ಮಸೂದೆಯ ಮೂಲಕ ಹೋಗಿದೆ ಎಂದು ಸಚಿವರು ಹೇಳಿದರು.
