ಬೆಂಗಳೂರು,ಮೇ 11-ಇಂದಿರಾನಗರದಲ್ಲಿರುವ ಚಿಟ್ ಫಂಡ್ ಸಂಸ್ಥೆಯಿಂದ 190ಕ್ಕೂ ಅಧಿಕ ಹೂಡಿಕೆದಾರರಿಗೆ ಬರೋಬ್ಬರಿ 47ಕೋಟಿ ಹಣ ವಂಚನೆಯಾಗಿದೆ ಎಂದು ಹೂಡಿಕೆದಾರ ಹಾಗೂ ವಂಚನೆಗೊಳಗಾದ ಹೆಚ್.ಶ್ರೀಬಿವಾಸ್ ಆರೋಪಿಸಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಈ ಕಂಪನಿಯನ್ನು ಅನೇಕ ಮಂದಿ ಹೊಟ್ಟೆ ಬಟ್ಟೆ ಕಟ್ಟಿ ಚೀಟಿ ಹಾಕಿದ್ದರು. ಆದರೆ ಚಿಟ್ ಫಂಡ್ ಸಂಸ್ಥೆಯ ಮಾಲೀಕ ಪಿ.ಕೆ. ಚಂದ್ರಶೇಖರ್ ಅವರು ಚೀಟಿ ಮುಗಿದ ಬಳಿಕ ಹಣ ವಾಪಸ್ ನೀಡದೆ ವಂಚಿಸಿದ್ದಾರೆ ಎಂದು ದೂರಿದ್ದಾರೆ.
ಇನ್ನೂ ವಂಚನೆಗೆ ಒಳಗಾದ ಶಂಕರ್ ಮಾತನಾಡಿ, ಈ ಸಂಸ್ಥೆಯಲ್ಲಿ ನಮ್ಮ ಮಕ್ಕಳ ಮದುವೆಗಾಗಿ 10ಲಕ್ಷ ಚೀಟಿ ಹಾಕಿದ್ದೆ ಆದ್ರೆ ಚೀಟಿ ಮುಗಿದ ಬಳಿಕ ಹಣ ವಾಪಸ್ ನೀಡದೆ ಕಚೇರಿ ಮುಚ್ಚಿ ಪರಾರಿಯಾಗಿದೆ. ನಮಗೆ ಸೂಕ್ತ ನ್ಯಾಯ ದೊರಕಿಸಿಕೊಡಬೇಕೆಂದು ಮನವಿ ಮಾಡಿದ್ದಾರೆ.
ಈ ಸಂಬಂಧ ಇಂದಿರಾನಗರ ಪೊಲೀಸ್ ಠಾಣೆಯಲ್ಲಿ ದೂರು ನೀಡಲಾಗಿದೆ. ಮೇ 2ರಂದು ಕಂಪನಿ ವಿರುದ್ಧ ದೂರು ದಾಖಲಾಗಿದೆ. ಇಲ್ಲಿಯವರೆಗೂ ಯಾವುದೇ ಆರೋಪಿಯನ್ನು ಬಂಧಿಸಿಲ್ಲ. ಇನ್ನೂ ಈ ಸಂಬಂಧ ಡೆಪ್ಯುಟಿ ರಿಜಿಸ್ಟ್ರಾರ್ ಬಳಿ ಕೇಳಿದರೂ ಅವರಿಂದಲೂ ನಮಗೆ ಸೂಕ್ತ ನ್ಯಾಯ ದೊರೆತಿಲ್ಲ ಎಂದು ಬೇಸರ ವ್ಯಕ್ತಪಡಿಸಿದ್ದಾರೆ.
ಸುದ್ದಿಗೋಷ್ಠಿಯಲ್ಲಿ ವಂಚನೆಗೆ ಒಳಗಾದ ಶಂಕರ್ ಮತ್ತು ಶಾಮಾಲ ಉಪಸ್ಥಿತರಿದ್ದರು.
