2ನೇ ಪಂದ್ಯದಲ್ಲಿ ಸನ್ ರೈಸರ್ಸ್ ಹೈದ್ರಾಬಾದ್- ಡೆಲ್ಲಿಕ್ಯಾಪಿಟಲ್ಸ್ ತಂಡಗಳು ಕಾದಾಟ ನಡೆಸಲಿವೆ.ಹೈದ್ರಾಬಾದ್ನ ಉಪ್ಪಾಳ್ ಅಂಗಳದಲ್ಲಿ ಉಭಯ ತಂಡಗಳು ಹೋರಾಡಲಿವೆ. ಕಳೆದೆರಡು ಪಂದ್ಯಗಳಲ್ಲಿ ಸೋತಿರುವ ಹೈದ್ರಾಬಾದ್ ಪ್ಲೇ ಆಫ್ ಗೆ ಹೋಗಬೇಕಿದ್ದಲ್ಲಿ ಮುಂದಿನ ಎಲ್ಲ ಪಂದ್ಯಗಳನ್ನ ಗೆಲ್ಲಲ್ಲೇಬೇಕಾದ ಅನಿವಾರ್ಯತೆಯನ್ನ ಎದುರಿಸುತ್ತಿದೆ. ಅಲ್ದೇ ಡೆಲ್ಲಿ ವಿರುದ್ಧದ ,ಮೊದಲ ಪಂದ್ಯದ ಸೋಲಿನ ಪ್ರತೀಕಾರ ತೀರಿಸಿಕೊಳ್ಳಲು ಕಾದು ಕುಳಿತಿದೆ. ಇನ್ನೂ ಸತತ 2 ಪಂದ್ಯಗಗಳನ್ನು ಗೆದ್ದಿರೋ ಡೆಲ್ಲಿ ಹ್ಯಾಟ್ರಿಕ್ ಗೆಲುವಿನ ಮೇಲೆ ಕಣ್ಣಿಟ್ಟಿದೆ.
ತವರಿನಲ್ಲಿ ಡೆಲ್ಲಿಗೆ ತಿರುಗೇಟು ನೀಡುತ್ತಾ ಹೈದ್ರಾಬಾದ್?
ಹೈದ್ರಾಬಾದ್ ತಂಡದಲ್ಲಿ ಘಟಾನುಘಟಿ ಬ್ಯಾಟ್ಸ್ಮನ್ಗಳ ದಂಡೇ ಇದೆ. ಆದ್ರೆ, ಆರಂಭಿಕಾರದ ಡೇವಿಡ್ ವಾರ್ನರ್, ಜಾನಿ ಬೇರ್ ಸ್ಟೋ ಮೇಲೆಯೇ ತಂಡ ಸಂಪೂರ್ಣ ಅವಲಂಭಿಸಿದೆ. ಮಧ್ಯಮ ಕ್ರಮಾಂಕ ಬ್ಯಾಟ್ಸ್ಮನ್ಗಳಾದ ಮನೀಶ್ ಪಾಂಡೆ, ದೀಪಕ್ ಹೂಡಾ, ಯೂಸೂಪ್ ಪಠಣ್, ಮಹಮ್ಮದ್ ನಬೀ ಜವಾಬ್ದಾರಿ ಆಟ ಇನ್ನು ಬಂದಿಲ್ಲ. ಇನ್ನೂ ಬೌಲಿಂಗ್ ಡಿಪಾರ್ಟ್ಮೆಂಟ್ನಲ್ಲಿ ಸುಧಾರಿಸಬೇಕಿದೆ. ಸ್ವಿಂಗ್ ಸ್ಪೆಷಲಿಸ್ಟ್ ಭುವನೇಶ್ವರ್ ಕುಮಾರ್, ಸಂದೀಪ್ ಶರ್ಮಾ, ಸಿದ್ಧಾರ್ಥ್ ಕೌಲ್ , ಇನ್ನು ಸ್ಪಿನ್ ಡಿಪಾರ್ಟ್ಮೆಂಟ್ನಲ್ಲಿ ಮಿಸ್ಟ್ರಿ ಸ್ಪಿನ್ನರ್ ರಶೀದ್ ಖಾನ್, ಮೊಹಮ್ಮದ್ ನಬಿ ಸೂಪರ್ ಸ್ಪೆಲ್ ಮೂಲಕ ಈಗಾಗಲೇ ಎಲ್ಲರ ಗಮನ ಸೆಳೆದಿದ್ದು ಅದನ್ನೇ ಇಂದಿನ ಪಂದ್ಯದಲ್ಲಿ ಮುಂದುವರಿಸಿದ್ರೆ, ಹೈದ್ರಾಬಾದ್ ಗೆಲುವಿನ ಟ್ರ್ಯಾಕ್ಗೆ ಬರೋದ್ರಲ್ಲಿ ಅನುಮಾನವೇ ಇಲ್ಲ .
ಹ್ಯಾಟ್ರಿಕ್ ಗೆಲುವಿನ ಮೇಲೆ ಡೆಲ್ಲಿ ಕ್ಯಾಪಿಟಲ್ಸ್ ಕಣ್ಣು..!
ಟೂರ್ನಿಯ ಆರಮಭದಲ್ಲಿ ಫ್ಲಾಪ್ ಪರ್ಫಾಮನ್ಸ್ ಕೊಟ್ಟಿದ್ದ ಓಪನರ್ ಶಿಖರ್ ಧವನ್ ಮೊನ್ನೆ ಕೋಲ್ಕತ್ತಾ ವಿರುದ್ಧ 97 ರನ್ ಕಲೆ ಹಾಕುವ ಮೂಲಕ ಫಾರ್ಮ್ಗೆ ಮರಳಿದ್ದಾರೆ. ನಾಯಕ ಶ್ರೇಯಸ್ ಅಯ್ಯರ್ ದೊಡ್ಡ ಇನ್ನಿಂಗ್ಸ್ ಕಟ್ಟಬೇಕಿದೆ. ಪೃಥ್ವಿ ಶಾ, ರಿಷಭ್ ಪಂತ್ ಒಂದು ಪಂದ್ಯದಲ್ಲಿ ಮಿಂಚಿದ್ದು ಬಿಟ್ಟರೆ ಉಳಿದ ಪಂದ್ಯಗಳಲ್ಲಿ ಹೇಳಿಕೊಳ್ಳುವಂತ ಸಾಧನೆ ಮಾಡಿಲ್ಲ. ಕಾಲಿನ್ ಇನ್ಗ್ರಾಮ್ ಸ್ಲಾಗ್ ಮಿಂಚಿದ್ರೆ, ಹೈದ್ರಾಬಾದ್ ಲೆಕ್ಕಾಚಾರ ತಲೆಕೆಳಗೆ ಆಗೋದು ಖಂಡಿತ.
ಬೌಲಿಂಗ್ ಡಿಪಾರ್ಟ್ಮೆಂಟ್ನಲ್ಲಿ ಕ್ರಿಸ್ ಮೋರಿಸ್, ಕಗಿಸೋ ರಬಡ ತಂಡದ ಟ್ರಂಪ್ ಕಾರ್ಡ್ಗಳಾಗಿದ್ದಾರೆ. ಹಿರಿಯ ಬೌಲರ್ ಇಶಾಂತ್ ಶರ್ಮಾ ಅನುಭವ ತಂಡಕ್ಕಿರೋದು ಡೆಲ್ಲಿಗೆ ಪ್ಲಸ್ ಪಾಯಿಂಟ್. ಆದ್ರೆ, ಸ್ಪಿನ್ನರ್ಗಳನ್ನು ಬದಲಾವಣೆ ಮಾಡ್ತಿದ್ದರು ದಂಡೆನೆಗೊಳಗಾಗುತ್ತಿರೋದು ಶ್ರೇಯಸ್ ಅಯ್ಯರ್ಗೆ ತಲೆನೋವಾಗಿ ಪರಿಣಮಿಸಿದೆ.ಒಟ್ಲಲ್ಲಿ ಸೂಪರ್ ಸಂಡೇಯ ನಾಲ್ಕು ತಂಡಗಳ ಕಾದಾಟ ಕ್ರಿಕೆಟ್ ಅಭಿಮಾನಿಗಳಿಗೆ ಭರ್ಜರಿ ಎಂಟರ್ಟೈನ್ಮೆಂಟ್ ನೀಡೋದ್ರಲ್ಲಿ ಅನುಮಾನವೇ ಇಲ್ಲ
