ಮಧುಬಂಗಾರಪ್ಪ ಜನನಾಯಕನಾಗಿ ಬೆಳೆಯುತ್ತಾರೆ-ಗೀತಾ ಶಿವರಾಜ್‍ಕುಮಾರ್

ಶಿವಮೊಗ್ಗ, ಏ.9- ಮಧು ಬಂಗಾರಪ್ಪ ನನ್ನ ತಂದೆಯಂತೆಯೇ ಜನರ ಮಧ್ಯೆಯೇ ಬೆಳೆಯುತ್ತಿದ್ದಾನೆ, ಅವರ ಏಳಿಗೆಗೆ ದುಡಿಯುತ್ತಿದ್ದಾನೆ ಎಂದು ಗೀತಾ ಶಿವರಾಜ್‍ಕುಮಾರ್ ಇಂದಿಲ್ಲಿ ಹೇಳಿದರು.

ಸಹೋದರ ಮಧು ಬಂಗಾರಪ್ಪ ಪರವಾಗಿ ಇಂದು ಪ್ರಚಾರ ಕೈಗೊಂಡ ಅವರು ಬಿಜೆಪಿ ನೇತೃತ್ವದ ಕೇಂದ್ರ ಸರ್ಕಾರ ಈ ಹಿಂದೆ ನೀಡಿದ್ದ ಭರವಸೆಗಳನ್ನು ಈಡೇರಿಸುವಲ್ಲಿ ವಿಫಲವಾಗಿದೆ. ಮೈತ್ರಿ ಸರ್ಕಾರ ರಾಜ್ಯದಲ್ಲಿ ಉತ್ತಮ ಸೇವೆ ಸಲ್ಲಿಸುತ್ತಿದೆ.ಈಗ ಕಾಂಗ್ರೆಸ್ ಕೂಡ ಬೆಂಬಲ ನೀಡಿರುವುದರಿಂದ ಗೆಲುವು ನಿಶ್ಚಿತ ಎಂದು ಹೇಳಿದರು.

ರೈತರಿಗಾಗಿ ಮಧು ಸದಾ ಶ್ರಮಿಸುತ್ತಾರೆ. ಈಗಾಗಲೇ 6 ಸಾವಿರ ರೈತರಿಗೆ ಬಗರ್ ಹುಕುಂ ಯೋಜನೆಯಡಿ ಜಮೀನು ಕೊಡಿಸಿದ್ದಾರೆ.ನೀರಾವರಿ ಯೋಜನೆಗಳಿಗಾಗಿ ಸುಮಾರು 247 ಕೋಟಿ ಅನುದಾನ ತಂದಿದ್ದಾರೆ.

ಇನ್ನಷ್ಟು ಸೇವೆ ಮಾಡಲು ತಂದೆ (ಬಂಗಾರಪ್ಪ)ಯ ಹಾದಿಯನ್ನೇ ತುಳಿಯುತ್ತಿರುವ ಇವರು ಮುಂದೆ ಜನನಾಯಕನಾಗಿ ಬೆಳೆಯುತ್ತಾರೆ ಎಂದು ಗೀತಾ ಹೇಳಿದರು.