ಬೆಂಗಳೂರು, ಜ.18-ರೈಲಿಗೆ ಸಿಕ್ಕಿ ಅಪರಿಚಿತ ವ್ಯಕ್ತಿ ಮೃತಪಟ್ಟಿದ್ದು, ಹೆಸರು, ವಿಳಾಸ ತಿಳಿದುಬಂದಿಲ್ಲ.
ಸುಮಾರು 30 ವರ್ಷದಂತೆ ಕಾಣುವ ಈ ವ್ಯಕ್ತಿ ಯಶವಂತಪುರ-ಚಿಕ್ಕ ಬಾಣವಾರ ಮಧ್ಯೆ ಹಾದುಹೋಗುವ ಎಚ್‍ಎಂಟಿ ಬ್ರಿಡ್ಜ್ ಬಳಿ ರೈಲಿಗೆ ಸಿಕ್ಕಿ ಮೃತಪಟ್ಟಿದ್ದಾರೆ.
ಕೋಲುಮುಖ, ಗೋಧಿ ಮೈಬಣ್ಣ, ಸಾಧಾರಣ ಶರೀರ ಹೊಂದಿರುವ ಈ ವ್ಯಕ್ತಿ ನೀಲಿಬಣ್ಣದ ರೆಡಿಮೇಡ್ ಶರ್ಟ್ ಹಾಗೂ ನೀಲಿ ಬಣ್ಣದ ಜೀನ್ಸ್ ಪ್ಯಾಂಟ್ ಧರಿಸಿದ್ದಾರೆ.
ವಾರಸುದಾರರು ಈ ಕೂಡಲೇ ಯಶವಂತಪುರ ರೈಲ್ವೆ ಪೆÇಲೀಸರನ್ನು ಸಂಪರ್ಕಿಸಲು ಕೋರಲಾಗಿದೆ.
ಮಹಿಳೆ ಸಾವು: ಯಶವಂತಪುರ ರೈಲು ನಿಲ್ದಾನದ ವೇದಿಕೆ (ಫ್ಲಾಟ್‍ಫಾರಂ) 3 ರಲ್ಲಿ ಕುಳಿತಿದ್ದ 50 ವರ್ಷದ ಮಹಿಳೆ ಸಾವನ್ನಪ್ಪಿದ್ದಾರೆ.
ದುಂಡುಮುಖ, ಗೋಧಿ ಮೈಬಣ್ಣ, ದೃಢಕಾಯ ಶರೀರ, ಕೇಸರಿ ಬಣ್ಣದ ಸೀರೆ, ರವಿಕೆ ಧರಿಸಿದ್ದಾರೆ.
ಮೃತ ಮಹಿಳೆಯ ಎಡಗೈನ ಮೊಣಕೈ ಮೇಲೆ ಹೂಗಳಿರುವ ಅಚ್ಚೆ ಗುರುತಿದೆ.
ಈ ಮಹಿಳೆಯ ವಾರಸುದಾರರು ಕೂಡಲೇ ಯಶವಂತಪುರ ರೈಲ್ವೆ ಪೆÇಲೀಸರನ್ನು ಸಂಪರ್ಕಿಸಬಹುದಾಗಿದೆ.
