ಚೆನೈ: ಚೆನ್ನೈನ ಪುಝಾಲ್ ಜೈಲಿನಲ್ಲಿ ಖೈದಿಗಳು ಐಷಾರಾಮಿ ಜೀವನ ನಡೆಸುತ್ತಿದ್ದು ಈ ಕುರಿತಾದ ವಿಡಿಯೋ ಈಗ ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿವೆ.
ಕೊಯಮ್ಮತ್ತೂರು ಸರಣಿ ಬಾಂಬ್ ಸ್ಫೋಟ ಹಾಗೂ ಇನ್ನಿತರೆ ಉಗ್ರಗಾಮಿ ಚಟುವಟಿಕೆ ಆರೋಪದಲ್ಲಿ ಬಂಧಿಯಾಗಿರುವ ಅಪರಾಧಿಗಳು ಜೈಲಿನಲ್ಲಿಯೇ ಐಷಾರಾಮಿ ಜೀವನ ನಡೆಸುತ್ತಿದ್ದಾರೆ.
ಈ ಕೈದಿಗಳಿಗೆ ಜೈಲಿನ ಕೊಠಡಿಗಳು ಯಾವ ಸ್ಟಾರ್ ಹೋಟೆಲ್ಗೂ ಕಡಿಮೆಯಿಲ್ಲ. ಮಲಗಲು ಹಾಸಿಗೆ, ಕುಡಿಯಲು ಮದ್ಯ, ಬೇಕಾದ ರೀತಿಯ ತಿಂಡಿ-ತಿನಿಸುಗಳು, ಗಾಂಜಾ ಸೇರಿದಂತೆ ಟಿವಿ, ಎಸಿ, ವಾಷಿಂಗ್ ಮೆಷಿನ್ ಹಾಗೂ ಎಲೆಕ್ಟ್ರಾನಿಕ್ ಕುಕ್ಕಿಂಗ್ ಸ್ಟೌವ್ ಒಳಗೊಂಡಂತೆ 4ಜಿ ಸ್ಮಾರ್ಟ್ ಪೋನ್ಗಳನ್ನು ಕೂಡ ಈ ಅಪರಾಧಿಗಳು ಹೊಂದಿದ್ದಾರೆ.
ಈ ಸಂಬಂಧ ನಕಲಿ ಪಾಸ್ಪೋರ್ಟ್ ಪ್ರಕರಣದಲ್ಲಿ ಬಂಧಿಯಾಗಿರುವ ರಸಲುದ್ದೀನ್ ಎಂಬ ಖೈದಿಯ ಮೊಬೈಲ್ನ್ನು ಪೊಲೀಸರು ವಶಪಡಿಸಿಕೊಂಡಿದ್ದು, ಈ ಫೋನ್ನಲ್ಲಿ ಅಚ್ಚರಿ ಪಡುವ ಪೋಟೋಗಳು ಕಂಡುಬಂದಿವೆ.
ಈ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು ಜೈಲಿನಲ್ಲಿ ಯಾವ ರೀತಿಯ ಭದ್ರತೆ ಇದೆ ಎಂದು ಸಾರ್ವಜನಿಕ ವಲಯದಲ್ಲಿ ಈಗ ಭಾರೀ ಚರ್ಚೆಗೆ ಕಾರಣವಾಗಿದೆ.
ಘಟನೆ ಸಬಂಧ ಪೊಲೀಸ್ ಹಿರಿಯ ಅಧಿಕಾರಿಗಳು ತನಿಖೆಗೆ ಆದೇಶ ಮಾಡಿದ್ದಾರೆ.
