ಎಂಎಸ್ ಧೋನಿ ಈ ವರ್ಷ ಎಷ್ಟು ತೆರಿಗೆ ಕಟ್ಟಿದ್ದಾರೆ? ಇಲ್ಲಿದೆ ನೋಡಿ ಮಾಹಿತಿ

ಈ ಬಾರಿ ಎಂಎಸ್ ಧೋನಿ  12. 17 ಕೋಟಿ ರೂ. ಆದಾಯ ತೆರಿಗೆ ಪಾವತಿಸಿದ್ದು, ಬಿಹಾರ ಮತ್ತು  ಜಾರ್ಖಂಡ್  ವಲಯದಲ್ಲಿ ಅತಿ ಹೆಚ್ಚಿನ ಮೊತ್ತದ ತೆರಿಗೆ ಸಲ್ಲಿಸಿದ್ದಾರೆ. 2016-17 ನೇ ಸಾಲಿನಲ್ಲಿ ಪಾವತಿಸಿದ್ದ ಮೊತ್ತಕ್ಕಿಂತಲೂ 1.24 ಕೋಟಿ ಹೆಚ್ಚಿನ ಮೊತ್ತವನ್ನು 2017ರ ಸಾಲಿನಲ್ಲಿ ಅವರು ಪಾವತಿಸಿದ್ದಾರೆ .

ಎಂಎಸ್ ಧೋನಿ 2016-17ರಲ್ಲಿ 10.93 ಆದಾಯ ತೆರಿಗೆ ಪಾವತಿಸಿದ್ದರು. ಆದರೆ., ಆ ವರ್ಷದಲ್ಲಿ ಅತಿ ಹೆಚ್ಚು ತೆರಿಗೆ  ಪಾವತಿದಾರ ಆಗಿರಲಿಲ್ಲ ಎಂದು ಜಾರ್ಖಂಡ್ ವಲಯದ ಆದಾಯ ತೆರಿಗೆ ಇಲಾಖೆ ಮುಖ್ಯ ಆಯುಕ್ತ ವಿ. ಮಹಾಲಿಂಗಂ ತಿಳಿಸಿದ್ದಾರೆ.

ಪೋರ್ಬ್ಸ್ ಮಾಹಿತಿ ಪ್ರಕಾರ, ವಿರಾಟ್ ಕೊಹ್ಲಿ, ಸಚಿನ್ ತೆಂಡೊಲ್ಕರ್ ನಂತರ ಎಂಎಸ್ ಧೋನಿ ಕ್ರಿಕೆಟ್ ನಲ್ಲಿ ಅತಿ ಹೆಚ್ಚು ಸಂಪಾದಿಸುತ್ತಿರುವ ಆಟಗಾರರಾಗಿದ್ದಾರೆ. 2017 ನೇ ಸಾಲಿನ ಅತಿ ಹೆಚ್ಚು ಆದಾಯ ಗಳಿಸುವ ಭಾರತದ ಸೆಲೆಬ್ರಿಟಿಗಳ ಪಟ್ಟಿಯಲ್ಲಿ ಅಂದಾಜು 63. 7 ಕೋಟಿ ರೂ ಆದಾಯ ಗಳಿಕೆಯೊಂದಿಗೆ  ಧೋನಿ 8 ನೇ ಸ್ಥಾನದಲ್ಲಿದ್ದರು.

ಆದರೆ, ಇಂಗ್ಲೆಂಡ್ ವಿರುದ್ಧದ ಏಕದಿನ ಸರಣಿಯಲ್ಲಿ ಮಧ್ಯಮ ಕ್ರಮಾಂಕದಲ್ಲಿ ಆಡಿರುವುದು ಅವರ ಬ್ಯಾಟಿಂಗ್ ಸಾಮರ್ಥ್ಯದ ಬಗ್ಗೆ ಪ್ರಶ್ನೆ ಮೂಡುವಂತೆ ಮಾಡಿದೆ. ವಿಶೇಷವಾಗಿ 2019ರ  ವಿಶ್ವಕಪ್ ಪಂದ್ಯಾವಳಿಯಲ್ಲೂ ಅವರ ಗಮನ ಹರಿಸುವಂತೆ ಮಾಡಿದೆ.

37 ವರ್ಷದ ಧೋನಿ ಅವರಿಗೆ ಅತಿ ಹೆಚ್ಚಿನ ವಯಸ್ಸೇನೂ ಆಗಿಲ್ಲ. ಆದರೆ, ಅವರ ಬ್ಯಾಟಿಂಗ್ ಬಗ್ಗೆಯೇ ಎಲ್ಲರಿಗೂ ಆತಂಕ ಕಾಡುತ್ತಿದೆ. ಇಂಗ್ಲೆಂಡ್ ವಿರುದ್ಧದ ಮೂರನೇ ಏಕದಿನ ಕ್ರಿಕೆಟ್ ಪಂದ್ಯದಲ್ಲಿನ ಧೋನಿ ಪ್ರದರ್ಶನ ಬಗ್ಗೆ ಟೀಕೆಗಳು ವ್ಯಕ್ತವಾಗುತ್ತಿವೆ. ಆದರೆ, ಕೋಚ್ ರವಿಶಾಸ್ತ್ರಿ ಎಲ್ಲಾ ವದಂತಿಗಳನ್ನು ಅಲ್ಲಗಳೆಯುತ್ತಾ ಬಂದಿದ್ದಾರೆ.