ಒಟ್ಟಾವಾ ,ಮೇ 25
ಕೆನಡಾದ ಮಿಸ್ಸಿಸೌಗಾ ಎಂಬ ನಗರದಲ್ಲಿನ ಭಾರತೀಯ ಹೊಟೇಲ್‌ವೊಂದರಲ್ಲಿ ಗುರುವಾರ ರಾತ್ರಿ 10.30 ರ ವೇಳೆಗೆ ಸಂಭವಿಸಿದ ಸ್ಫೋಟವೊಂದಲ್ಲಿ ಕನಿಷ್ಠ 15 ಮಂದಿ ಗಾಯಗೊಂಡಿದ್ದಾರೆ.
ಹುರೊಂಟಾರಿಯೋ ರಸ್ತೆಯಲ್ಲಿರುವ ಬಾಂಬೆ ಭೇಲ್‌ ಹೊಟೇಲ್‌ನಲ್ಲಿ ಸ್ಫೋಟ ನಡೆದಿದ್ದು , ಮೂವರು ಗ್ರಾಹಕರು ಗಂಭೀರವಾಗಿ ಗಾಯಗೊಂಡಿದ್ದು,ಗಾಯಾಳುಗಳನ್ನು ಸ್ಥಳೀಯ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.
ಸ್ಫೋಟದ ತೀವ್ರತೆಗೆ ಹೊಟೇಲ್‌ನ ಗಾಜುಗಳು ಪುಡಿ ಪುಡಿಯಾಗಿ ಹೋಗಿರುವ ಬಗ್ಗೆ ತಿಳಿದು ಬಂದಿದೆ.
ಸ್ಫೋಟಕ್ಕೆ ಕಾರಣವೇನೆಂಬುದು ಇದುವರೆಗೆ ತಿಳಿದು ಬಂದಿಲ್ಲ.
