ಗಂಗಾವತಿ, ಮೇ 12-ತಾಲೂಕಿನ ಯರಡೋಣ ಗ್ರಾಮದ ಮತಗಟ್ಟೆಗಳಿಗೆ ಮಾಟಮಂತ್ರ ಮಾಡಲಾಗಿದೆ ಎನ್ನುವ ಆರೋಪ ಕೇಳಿ ಬಂದಿದೆ.
ಕನಕಗಿರಿ ವಿಧಾನಸಭಾ ಕ್ಷೇತ್ರದ ಯರಡೋಣ ಗ್ರಾಮದ 6 ನೇ ವಾರ್ಡ್‍ನಲ್ಲಿನ ಮತಗಟ್ಟೆಗಳಿಗೆ ಒಂದು ಪಕ್ಷದ ಮುಖಂಡರೊಬ್ಬರು ಕೇರಳದಿಂದ ವಾಮಾಚಾರ ಮಾಡಿಸಿಕೊಂಡು ತಂದ ಅಕ್ಕಿ ಕಾಳುಗಳನ್ನು ಅಲ್ಲಲ್ಲಿ ಹಾಕಿದ್ದಾರೆ ಎಂದು ಎನ್ನಲಾಗಿದೆ.
ಬೆಳಗ್ಗೆ ಈ ಮುಖಂಡ ಮಂತ್ರಿಸಿದ ಅಕ್ಕಿ ಕಾಳುಗಳನ್ನು ಹಾಕುತ್ತಿದ್ದ ವೇಳೆ ಬಿಜೆಪಿ ಕಾರ್ಯಕರ್ತರ ಕೈಗೆ ಸಿಕ್ಕಿ ಬಿದ್ದಿದ್ದಾನೆ.
ಅಲ್ಲದೆ ಕೇರಳದಿಂದ 10 ಜನರ ತಂಡ ಕ್ಷೇತ್ರದಲ್ಲಿ ಬೀಡುಬಿಟ್ಟಿದ್ದಾರೆ ಎನ್ನಲಾಗಿದೆ. ಎರಡು ಪಕ್ಷಗಳ ನಡುವೆ ಗಲಾಟೆ ಸಂಭವಿಸುವ ಲಕ್ಷಣಗಳು ಗೋಚರಿಸಿದ್ದರಿಂದ ಅನುಮಾನಾಸ್ಪದ ವ್ಯಕ್ತಿಗಳನ್ನು ಬಂಧಿಸಲಾಗಿದೆ.
