ಹಾವು ಕಚ್ಚಿ ಸಂಚಾರಿ ಠಾಣೆ ಮಹಿಳಾ ಕಾನ್ಸ್‍ಟೆಬಲ್ ಮೃತ:

ಮದ್ದೂರು ಮೇ 10- ಹಾವು ಕಚ್ಚಿ ಸಂಚಾರಿ ಠಾಣೆ ಮಹಿಳಾ ಕಾನ್ಸ್‍ಟೆಬಲ್ ಸಾವನ್ನಪ್ಪಿರುವ ಘಟನೆ ಮದ್ದೂರು ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ.
ಮದ್ದೂರು ಸಂಚಾರಿ ಠಾಣೆಯ ಮಹಿಳಾ ಕಾನ್ಸ್‍ಟೆಬಲ್ ಯಶೋಧಾ (35) ಮೃತ ದುರ್ದೈವಿ.
ಎಸ್‍ಕೆ ವೀರಣ್ಣಗೌಡ ನಗರದ ತಮ್ಮ ನಿವಾಸದಲ್ಲಿ ಕೆಲಸ ಮಾಡುತ್ತಿದ್ದಾಗ ರಾತ್ರಿ ಹಾವು ಕಚ್ಚಿ ತೀವ್ರವಾಗಿ ಅಸ್ವಸ್ಥಗೊಂಡಿದ್ದರು. ಇವರನ್ನು ಕೂಡಲೇ ಮಂಡ್ಯ ಜಿಲ್ಲಾಸ್ಪತ್ರೆಗೆ ದಾಖಲಿಸಲಾಗಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಯಶೋಧಾ ಸಾವನ್ನಪ್ಪಿದ್ದಾರೆ. ಈಕೆಯ ಪತಿ ರಾಮಚಂದ್ರ ಮದ್ದೂರು ಠಾಣೆ ಮುಖ್ಯ ಕಾನ್ಸ್‍ಟೆಬಲ್ ಆಗಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಈ ಸಂಬಂಧ ಮದ್ದೂರು ಠಾಣೆ ಪೆÇಲೀಸರು ಪ್ರಕರಣ ದಾಖಲಿಸಿಕೊಂಡು ಮುಂದಿನ ಕ್ರಮ ಕೈಗೊಂಡಿದ್ದಾರೆ.