ಗೋಲ್ಡ್‍ಕೋಸ್ಟ್ , ಏ.6- ಭಾರತದ ಸ್ಟಾರ್ ಬಾಕ್ಸರ್ ಮನೋಜ್‍ಕುಮಾರ್ ಅವರು 69 ಕೆಜಿ ವಿಭಾಗದ ಸ್ಪರ್ಧೆಯಲ್ಲಿ ನೈಜೀರಿಯಾದ ಒಸಿಟಾ ಉಮೆ ವಿರುದ್ಧ ಜಯಿಸುವ ಮೂಲಕ ರೌಂಡ್ 16ಕ್ಕೆ ಲಗ್ಗೆ ಇಟ್ಟಿದ್ದಾರೆ. ನೈಜೀರಿಯಾದ ಉಮೆ ಅವರಿಂದ ಉತ್ತಮ ಹೋರಾಟ ಎದುರಿಸಿದರೂ ಕೂಡ ಬಾಕ್ಸಿಂಗ್‍ನಲ್ಲಿ ತನಗಿರುವ ಚಾಕಚಕ್ಯತೆ ಹಾಗೂ ಅನುಭವದ ಸಹಾಯದಿಂದ ಮನೋಜ್‍ಕುಮಾರ್ 5-0 ಯಿಂದ ಗೆಲ್ಲುವ ಮೂಲಕ ರೌಂಡ್ 16ಕ್ಕೆ ಅರ್ಹತೆ ಗಿಟ್ಟಿಸಿಕೊಂಡರು.
ಕ್ವಾಟರ್‍ಫೈನಲ್ಸ್‍ಗೆ ಲಗ್ಗೆ:
91 ಕೆಜಿವಿಭಾಗದ ಪುರುಷರ ಬಾಕ್ಸಿಂಗ್‍ನಲ್ಲಿ ಭಾರತದ ಬಾಕ್ಸರ್ ನಮನ್ ತನ್‍ವರ್ ಅವರು ಟಾಂಜಾನಿಯದ ಹರುನಾ ಮೆಂಡೋ ವಿರುದ್ಧ ಗೆಲ್ಲುವ ಮೂಲಕ ತಮ್ಮ ಜಯದ ಯಾತ್ರೆಯನ್ನು ಮುಂದುವರೆಸಿದ್ದಾರೆ. ವಿಶ್ವ ಕಿರಿಯರ ಚಾಂಪಿಯನ್ಸ್‍ನಲ್ಲಿ ಕಂಚಿನ ಪದಕ ವಿಜೇತರಾದ ನಮನ್ ಕ್ವಾಟರ್‍ಫೈನಲ್ಸ್‍ನಲ್ಲಿ ಸಾಮೋಹಾದ ಫ್ರಾಂಕ್ ಮಾಸ್ಸೋರ ಸವಾಲನ್ನು ಎದುರಿಸಲಿದ್ದಾರೆ.
