ನವದೆಹಲಿ, ಏ.3-ಭಾರತೀಯ ವಾಯು ಪಡೆ(ಐಎಎಫ್)ಗೆ ಸೇರಿದ ಮಿಗ್-17 ಹೆಲಿಕಾಪ್ಟರ್ ಒಂದು ಇಂದು ಬೆಳಗ್ಗೆ ಉತ್ತರಖಂಡದ ಕೇದಾರ್‍ನಾಥ್ ಬಳಿ ಪರ್ವತ ಪ್ರದೇಶದಲ್ಲಿ ಪತನಗೊಂಡಿದೆ. ಗಾಯಗೊಂದಿಗೆ ಇಬ್ಬರು ಪೈಲೆಟ್‍ಗಳು ಪ್ರಾಣಾಪಯಾದಿಂದ ಪರಾಗಿದ್ದಾರೆ.
ಇಂದು ಬೆಳಗ್ಗೆ 8.10ರಲ್ಲಿ ಈ ಘಟನೆ ನಡೆದಿದೆ. ನಿರ್ಮಾಣ ಸಾಮಗ್ರಿಗಳನ್ನು ಒಯ್ಯುತ್ತಿದ್ದ ಮಿಗ್-17-ವಿ-5 ಹೆಲಿಕಾಪ್ಟರ್ ಭೂಸ್ಪರ್ಶದ ವೇಳೆ ಕಬ್ಬಿಣದ ತೊಲೆಗೆ ಬಡಿದು ಪತನಗೊಂಡಿತು. ಈ ಹೆಲಿಕಾಪ್ಟರ್‍ನಲ್ಲಿದ್ದ ಪೈಲೆಟ್ ಮತ್ತು ಸಹ ಪೈಲೆಟ್‍ಗೆ ಗಾಯಗಳಾಗಿವೆ. ಅವರು ಅಪಾಯದಿಂದ ಪಾರಾಗಿದ್ದಾರೆ ಎಂದು ಐಎಎಫ್ ಪ್ರಕಟಣೆ ತಿಳಿಸಿದೆ.
