ಚೆನ್ನೈ, ಏ.8-ಕಾವೇರಿ ನಿರ್ವಹಣಾ ಮಂಡಳಿ ರಚನೆಗೆ ಆಗ್ರಹಿಸಿ ಪ್ರತಿಭಟನೆ ನಡೆಯುತ್ತಿರುವಾಗ ಚೆನ್ನೈನಲ್ಲಿ ಐಪಿಎಲ್ ಕ್ರಿಕೆಟ್ ನಡೆಯುವುದು ಇರಿಸುಮುರಿಸಿನ ಸಂಗತಿ ಎಂದು ಖ್ಯಾತ ಚಿತ್ರನಟ ಮತ್ತು ರಾಜಕಾರಣಿ ರಜನಿಕಾಂತ್ ಅಸಮಾಧಾನ ವ್ಯಕ್ತಪಡಿಸಿದ್ದಾರೆ.
ಚೆನ್ನೈನಲ್ಲಿ ಇಂದು ಬೆಳಗ್ಗೆ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು ಕಾವೇರಿ ಹೋರಾಟದ ವೇಳೆ ಚೆನ್ನೈನಲ್ಲಿ ಐಪಿಎಲ್ ಟಿ-20 ಕ್ರಿಕೆಟ್ ನಡೆಸುವ ಅಗತ್ಯ ಇದೆಯೇ ಎಂದು ಪ್ರಶ್ನಿಸಿದ್ದಾರೆ.
ಕಾವೇರಿ ನ್ಯಾಯ ಮಂಡಳಿ ರಚನೆಗೆ ವಿಳಂಬ ಮಾಡುತ್ತಿರುವ ಕೇಂದ್ರ ಸರ್ಕಾರದ ಧೋರಣೆ ವಿರುದ್ಧ ಚೆನ್ನೈನ ವಳ್ಳವರ್ ಕೊಟ್ಟಂನಲ್ಲಿ ತಮಿಳು ಚಿತ್ರರಂಗ ಧರಣಿ ನಡೆಸುತ್ತಿದೆ. ರಜನಿಕಾಂತ್, ಕಮಲ್‍ಹಾಸನ್, ಧನುಷ್, ವಿಜಯ್, ಸೂರ್ಯ, ಸತ್ಯರಾಜ್, ಶಿವಕುಮಾರ್, ನಾಸಿರ್, ವಿಶಾಲ್, ಕಾರ್ತಿ ಮೊದಲಾದವರು ಪ್ರತಿಭಟನೆಯಲ್ಲಿ ಭಾಗವಹಿಸಿದ್ದಾರೆ.
