ಮಾಸ್ಕೋ: ಪ್ರಯಾಣಿಕರ ವಿಮಾನವನ್ನು ತುರ್ತು ಭೂಸ್ಪರ್ಶ ಮಾಡುವಾಗ ಉಂಟಾದ ಅಗ್ನಿ ಅವಘಡದಲ್ಲಿ ಇಬ್ಬರು ಮಕ್ಕಳು ಸೇರಿದಂತೆ 41 ಜನ ಸಾವನ್ನಪ್ಪಿರು ಘಟನೆ ರಷ್ಯಾದ ಮಾಸ್ಕೋ ನಗರದಲ್ಲಿ ಭಾನುವಾರ ನಡೆದಿದೆ.
ರಷ್ಯಾದ ಸುಖೋಯ್ ಸೂಪರ್ಜೆಟ್ 100 ವಿಮಾನ ಮಾಸ್ಕೋದಿಂದ ನಿನ್ನೆ ಇಳಿಸಂಜೆ 78 ಜನ ಪ್ರಯಾಣಿಕರ ಜೊತೆ ಮರ್ಮನ್ಸ್ಕ್ ನಗರಕ್ಕೆ ಹಾರಾಟ ಆರಂಭಿಸಿತ್ತು.
ಆದರೆ, ಹಾರಾಟ ಆರಂಭಿಸಿದ್ದ ಕೆಲವೇ ನಿಮಿಷಗಳಲ್ಲಿ ವಿಮಾನದಲ್ಲಿ ತಾಂತ್ರಿಕ ತೊಂದರೆ ಕಾಣಿಸಿಕೊಂಡಿತ್ತು. ಈ ಸಂದರ್ಭದಲ್ಲಿ ಪೈಲಟ್ಗಳು ವಿಮಾನವನ್ನು ತುರ್ತಾಗಿ ಭೂಸ್ಪರ್ಶ ಮಾಡಲು ಮುಂದಾಗಿದ್ದಾರೆ. ವೇಳೆ ರನ್ವೇಗೆ ಇಳಿಯುತ್ತಿದ್ದಂತೆ ವಿಮಾನ ನೆಲಕ್ಕೆ ಅಪ್ಪಳಿಸಿ ಇಂಜಿನ್ನಲ್ಲಿ ಅಗ್ನಿ ಕಾಣಿಸಿಕೊಂಡಿದೆ.
ಪರಿಣಾಮ ವಿಮಾನದ ಮುಂಬದಿ ಸಂಪೂರ್ಣ ಸುಟ್ಟು ಕರಕಲಾಗಿದ್ದು, 41 ಜನ ಮೃತಪಟ್ಟಿದ್ದಾರೆ.
ರಷ್ಯಾದಲ್ಲಿ ಈ ಹಿಂದೆ 2018 ಫೆಬ್ರವರಿ 11 ರಂದು ಅಂಟೋನೋವಾ ಎಎನ್ 148 ಹೆಸರಿನ ವಿಮಾನವೊಂದು ಅಪಘಾತಕ್ಕೀಡಾಗಿತ್ತು. ಈ ಅವಘಡದಲ್ಲೂ ಸುಮಾರು 71 ಪ್ರಯಾಣಿಕರು ಸಾವನ್ನಪ್ಪಿದ್ದರು. ರಷ್ಯಾ ವಿಮಾನಯಾನ ಇತಿಹಾಸದಲ್ಲಿ ಇದೊಂದು ದೊಡ್ಡ ದುರಂತ ಎಂದು ಬಣ್ಣಿಸಲಾಗಿತ್ತು.
