ನವದೆಹಲಿ:ಮಾ-೧೫: ಏರ್ ಇಂಡಿಯಾ ವಿಮಾನಯಾನ ಸಂಸ್ಥೆಯ ಅಧಿಕೃತ ಟ್ವಿಟರ್ ಖಾತೆ ಹ್ಯಾಕ್ ಆಗಿದೆ. ಹ್ಯಾಕರ್ ಗಳು ಏರ್ ಇಂಡಿಯಾ ಟ್ವಿಟ್ಟರ್ ಖಾತೆಯನ್ನು @airindiainದಿಂದ @airindiaTR. ಎಂದು ಬದಲಿದ್ದಾರೆ.
ಇಂದು ಬೆಳಿಗ್ಗೆ ಸರಣಿ ಟ್ವೀಟ್‌ಗಳು ಪ್ರಕಟಗೊಂಡ ಬೆನ್ನಲ್ಲೇ ಟ್ವಿಟರ್ ಖಾತೆ ಸೈಬರ್ ದಾಳಿಗೆ ತುತ್ತಾಗಿರುವುದು ಗೊತ್ತಾಗಿದೆ. ಆ ಪೈಕಿ ಒಂದು ಟ್ವೀಟ್‌ನಲ್ಲಿ, ‘ಕೊನೆಯ ಕ್ಷಣದ ಘೋಷಣೆ: ನಮ್ಮ ಎಲ್ಲ ವಿಮಾನಗಳ ಹಾರಾಟ ರದ್ದುಪಡಿಸಲಾಗಿದೆ. ಇನ್ನು ನಾವು ಟರ್ಕಿಯ ವಿಮಾನಗಳಲ್ಲಿ ಪ್ರಯಾಣಿಸಲಿದ್ದೇವೆ’ ಎಂದು ಉಲ್ಲೇಖಿಸಲಾಗಿದೆ.
‘ಟರ್ಕಿ ಸೈಬರ್ ಆರ್ಮಿ’ ಎಂದು ಟ್ವಿಟರ್ ಖಾತೆಯಲ್ಲಿ ಪ್ರತಿಪಾದಿಸಿಕೊಂಡಿರುವ ‘ಆಯ್ಯಿಲ್‌ಡಿಜ್‌ಟ್’ ಎಂಬ ಗುಂಪು ಈ ಕೃತ್ಯ ಎಸಗಿರುವುದಾಗಿ ರಿಟ್ವೀಟ್ ಮೂಲಕ ತಿಳಿಸಿದೆ. ಜತೆಗೆ, ಟರ್ಕಿ ಪರ ಅನೇಕ ಟ್ವೀಟ್‌ಗಳನ್ನೂ ಪ್ರಕಟಿಸಿದೆ. ಆದರೆ, ಟ್ವಿಟರ್ ಖಾತೆ ಹ್ಯಾಕ್ ಆಗಿರುವ ಬಗ್ಗೆ ಏರ್ ಇಂಡಿಯಾ ಅಧಿಕಾರಿಗಳು ಇದುವರೆಗೆ ಅಧಿಕೃತವಾಗಿ ಮಾಹಿತಿ ಬಹಿರಂಗಪಡಿಸಿಲ್ಲ.
