ಪಂದ್ಯ ಡ್ರಾನಲ್ಲಿ ಅಂತ್ಯಕಂಡ ನಂತರ ಟಿಂ ಇಂಡಿಯಾ ಆಟಗಾರರು ಸಂಭ್ರಮಪಟ್ಟರು. ಖುಷಿಯಲ್ಲಿ ಕೊಹ್ಲಿ ಪಡೆ ಗೆಲುವಿನ ಸಂತಸವನ್ನ ಹಂಚಿಕೊಳ್ಳಲು ಮೈದಾನದ ಸುತ್ತ ಬಂದರು. ಈ ವೇಳೆ ಮೊದಲು ವಿಕೆಟ್ ಕೀಪರ್ ರಿಷಭ್ ಪಂತ್ ಒಂದು ಸ್ಟೆಪ್ ಹಾಕಿದ್ರು. ಇದಕ್ಕೆ ಕ್ಯಾಪ್ಟನ್ ಕೊಹ್ಲಿ, ಅಜಿಂಕ್ಯ ರಹಾನೆ ಹೆಜ್ಜೆ ಹಾಕಿದರು. ಆದರೆ ಅಲ್ಲಿಯೇ ಇದ್ದ ಚೇತೇಶ್ವರ ಪೂಜಾರ ಡ್ಯಾನ್ಸ್ ಮಾಡಲು ಆಗಲಿಲ್ಲ. ಪಕ್ಕದಲ್ಲಿದ್ದ ರಿಷಭ್ ಪಂತ್ ಡ್ಯಾನ್ಸ್ ಹೇಳಿಕೊಟ್ಟರೂ ಚೇತೇಶ್ವರ ಪೂಜಾರಗೆ ಕೊನೆಗೂ ಸ್ಟೆಪ್ಸ್ ಹಾಕಲು ಆಗಲಿಲ್ಲ. ಇದು ತಂಡದ ಆಟಗಾರರನ್ನ ನಗೆಗಡಲಲ್ಲಿ ತೇಲಾಡಿಸಿತು.
