ನವದೆಹಲಿ: ಕಾನೂನಿನಲ್ಲಿ ಮರಣದಂಡನೆಯ ಸಿಂಧುತ್ವವನ್ನು ಬುಧವಾರ ಸುಪ್ರೀಂಕೋರ್ಟ್ 2:1 ಬಹುಮತದೊಂದಿಗೆ ಅಂಗೀಕಾರ ಮಾಡಿದೆ.
ನ್ಯಾ..ಕುರಿಯನ್ ಜೋಸೆಫ್, ನ್ಯಾ.ದೀಪಕ್ ಗುಪ್ತಾ ಮತ್ತು ಹೇಮಂತ್ ಗುಪ್ತಾ ಅವರನ್ನೊಳಗೊಂಡ ತ್ರಿಸದಸ್ಯ ಪೀಠ ಬುಧವಾರ, ಮರಣದಂಡನೆಯ ಪ್ರಕರಣಗಳಲ್ಲಿ ವಿಚಾರಣೆ ನಡೆಸುವಾಗ ಕಾನೂನಿನ ಅಡಿಯಲ್ಲಿ ಅತ್ಯಧಿಕ ಶಿಕ್ಷೆಯ ಪ್ರಮಾಣವೂ ಅಗತ್ಯ ಎಂದು ಪೀಠ ತಿಳಿಸಿದೆ.
ಪೀಠದಲ್ಲಿದ್ದ ಹಿರಿಯ ನ್ಯಾಯಮೂರ್ತಿ ಕುರಿಯನ್ ಜೋಸೆಫ್ ಅವರು, ಕಾನೂನು ಆಯೋಗದ 262ನೇ ವರದಿಯನ್ನು ಉಲ್ಲೇಖಿಸಿ, ಸಮಾಜದಲ್ಲಿ ನಡೆಯುವ ಅಪರಾಧ ಪ್ರಕರಣಗಳನ್ನು ಮರಣದಂಡನೆ ಶಿಕ್ಷೆ ತಡೆಗಟ್ಟುವಲ್ಲಿ ವಿಫಲವಾಗಿದೆ ಎಂದು ಹೇಳುವ ಮೂಲಕ ಮರಣದಂಡನೆ ಶಿಕ್ಷೆ ಕಾನೂನಿಗೆ ಸಹಮತ ವ್ಯಕ್ತಪಡಿಸಲಿಲ್ಲ.
ಪ್ರಯೋಗಗಳು ಸಾಮಾನ್ಯವಾಗಿ ಸಾರ್ವಜನಿಕ ಅಭಿಪ್ರಾಯ ಮತ್ತು ಸಾಮೂಹಿಕ ಬೇಡಿಕೆಗೆ ಒಳಪಟ್ಟಿವೆ. ತನಿಖಾ ಸಂಸ್ಥೆಗಳು ಭಾವೋದ್ರೇಕಗಳನ್ನು ಮತ್ತು ಸಾರ್ವಜನಿಕ ಭಾವನೆಗಳನ್ನು ಪ್ರಚೋದಿಸುವ ಮೂಲಕ ನ್ಯಾಯಾಲಯಗಳ ಮೇಲೆ ಒತ್ತಡವನ್ನು ಹೆಚ್ಚಿಸುತ್ತವೆ ಎಂದು ಅವರು ಹೇಳಿದರು. ಆದರೆ, ಪೀಠದ ಹಿರಿಯ ಸಹೋದ್ಯೋಗಿಯ ಈ ಅಭಿಪ್ರಾಯಕ್ಕೆ ಇತರೆ ಇಬ್ಬರು ನ್ಯಾಯಮೂರ್ತಿಗಳು ಸಹಮತ ವ್ಯಕ್ತಪಡಿಸಲಿಲ್ಲ.
ನ್ಯಾ.ದೀಪಕ್ ಗುಪ್ತಾ ಅವರು, ಮರಣದಂಡನೆಯೂ ಮಾನ್ಯವಾದ ಶಿಕ್ಷೆ. ಮತ್ತು 1980ರಲ್ಲಿ ಬಚ್ಚನ್ ಸಿಂಗ್ ಮತ್ತು ಮಚ್ಚಿ ಸಿಂಗ್ ಪ್ರಕರಣದಲ್ಲಿ ಸುಪ್ರೀಂಕೋರ್ಟ್ ನೀಡಿದ ತೀರ್ಪಿನ ದೃಷ್ಟಿಯಿಂದ ಮರಣದಂಡನೆ ಬಗ್ಗೆ ಚರ್ಚಿಸಬೇಕಾದ ಅಗತ್ಯವಿಲ್ಲ ಎಂದು ಬಹುಮತದ ತೀರ್ಪನ್ನು ಓದಿದರು. ಆದಾಗ್ಯೂ, ಮರಣದಂಡನೆ ಶಿಕ್ಷೆಗೆ ಗುರಿಯಾಗಿದ್ದ ಛನ್ನು ಲಾಲ್ ವರ್ಮಾ ಶಿಕ್ಷೆಯನ್ನು ಜೀವಾವಧಿ ಶಿಕ್ಷೆಗೆ ಇಳಿಸಿದ ಮೂವರು ನ್ಯಾಯಮೂರ್ತಿಗಳು ಒಪ್ಪಿಗೆ ಸೂಚಿಸಿದರು.
