ಬುಡಾಪೆಸ್ಟ್ (ಹಂಗೇರಿ): ಭಾರತದ ಬಜರಂಗ್ ಪೂನಿಯಾ ವಿಶ್ವ ಕುಸ್ತಿ ಚಾಂಪಿಯನ್ಶಿಪ್ನಲ್ಲಿ ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದ್ದಾರೆ. ಈ ಮೂಲಕ ಸಾಧನೆಗೈದ ಎರಡನೇ ಭಾರತೀಯ ಎನ್ನುವ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ.
ಜಪಾನಿನ ಟಟುಕೊ ಒಟೊಗುರೊ ವಿರುದ್ಧ ನಡೆದ ಪಂದ್ಯದಲ್ಲಿ ಭಾರತದ ರೆಸ್ಲರ್ ಬಜರಂಗ್ ಪೂನಿಯಾ 16-9 ಅಂಕಗಳಿಂದ ಸೋಲುವ ಮೂಲಕ ಬೆಳ್ಳಿ ಪದಕಕ್ಕೆ ತೃಪ್ತಿಪಟ್ಟುಕೊಂಡಿದ್ದಾರೆ.
ಉಪಾಂತ್ಯ ತಲುಪಿದ್ದು ಅತ್ಯಂತ ಹೆಮ್ಮೆಯ ವಿಷಯ. ಚಿನ್ನ ಗೆಲ್ಲುವುದೇ ನನ್ನ ಗುರಿಯಾಗಿತ್ತು. ಐದು ವರ್ಷದ ಹಿಂದೆ ಕಂಚು ಗೆದ್ದಿದ್ದೆ. ಆದರೆ ಈ ಬಾರಿ ನನ್ನ ಪ್ರದರ್ಶನವನ್ನು ಉತ್ತಮಗೊಳಿಸಿದ್ದೇನೆ. ಬೆಳ್ಳಿ ಪದಕ ತೃಪ್ತಿ ನೀಡಿದೆ ಎಂದು ಕುಸ್ತಿ ಪಟು ಸಂತಸ ಹಂಚಿಕೊಂಡಿದ್ದಾರೆ.
