ಬೆಂಗಳೂರು,ಅ.3-ಸರ್ಕಾರ ನಡೆಸುವ ದಸರಾ ಉತ್ಸವ ನಿಜವಾದ ನಾಡಹಬ್ಬ ಎಂದು ಜೆಡಿಎಸ್ ರಾಜ್ಯಾಧ್ಯಕ್ಷ ಎಚ್.ವಿಶ್ವನಾಥ್ ತಿಳಿಸಿದ್ದಾರೆ.
ವಿಶ್ವ ವಿಖ್ಯಾತ ಮೈಸೂರು ದಸರಾ ಉತ್ಸವಕ್ಕೆ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಅವರಿಗೆ ಅಧಿಕೃತ ಆಹ್ವಾನ ನೀಡಿದ ನಂತರ ಮಾತನಾಡಿದ ಅವರು, ಸರ್ಕಾರ ನಡೆಸುವ ದಸರಾ ಉತ್ಸವದ ಬಗ್ಗೆ ರಾಜಮಾತೆ ಪ್ರಮೋದಾದೇವಿ ಏನೇ ಹೇಳಲಿ ಸರ್ಕಾರ ನಡೆಸುವಂತಹ ಜನತೆಯ ನಾಡಹಬ್ಬವೇ ನೈಜ ದಸರಾ ಉತ್ಸವ ಎಂದರು.
ರಾಜಮನೆತನದವರು ನಡೆಸುವ ದಸರಾ ಉತ್ಸವ ಖಾಸಗಿ ಕಾರ್ಯಕ್ರಮವಾಗಿದೆ. ಅದು ಸೀಮಿತ ಜನರಿಗೆ ಮಾತ್ರ ಅವಕಾಶ ಕಲ್ಪಿಸುತ್ತದೆ. ಆದರೂ ದಸರಾ ಉತ್ಸವದಲ್ಲಿ ರಾಜಮನೆತನದವರನ್ನು ಕೂಡ ಸರ್ಕಾರ ವಿಶ್ವಾಸಕ್ಕೆ ತೆಗೆದುಕೊಳ್ಳುತ್ತದೆ ಎಂದು ಹೇಳಿದರು.
