ಬೆಂಗಳೂರು: ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಹಾಗೂ ಅವರ ಮೈತ್ರಿ ಸರಕಾರ ಶ್ರೇಯೋಭಿವೃದ್ಧಿಗಾಗಿ ಪ್ರಾರ್ಥಿಸಲು ಮಾಜಿ ಪ್ರಧಾನಿ ಎಚ್.ಡಿ. ದೇವೇಗೌಡ ಹಾಗೂ ಅವರ ಪುತ್ರ ಲೋಕೋಪಯೋಗಿ ಸಚಿವ ಎಚ್.ಡಿ.ರೇವಣ್ಣ ಕಠ್ಮಂಡುವಿನ ಪಶುಪತಿನಾಥನ ಸನ್ನಿಧಾನಕ್ಕೆ ತೆರಳಿದ್ದಾರೆ.
ಪತ್ನಿ ಚೆನ್ನಮ್ಮ, ಪುತ್ರಿ ಶೈಲಜಾ ಚಂದ್ರಶೇಖರ್‌, ಮೊಮ್ಮಗ ಸೂರಜ್ ರೇವಣ್ಣ ಸಹ ದೇವೇಗೌಡರ ಜತೆಯಲ್ಲಿ ನೇಪಾಳಕ್ಕೆ ತೆರಳಿದ್ದಾರೆ. ಪೂಜೆ ಸಲ್ಲಿಸಿ ಇಂದು ಸಂಜೆಯೇ ಬೆಂಗಳೂರಿಗೆ ವಾಪಸ್ ಆಗಲಿದ್ದಾರೆ.
ಕರ್ನಾಟಕದ ಹೊರಕ್ಕೆ ದೇವೇಗೌಡರು ನಡೆಸಿದ 2ನೇ ಟೆಂಪಲ್ ರನ್‌ ಇದಾಗಿದೆ. ಇದಕ್ಕೂ ಮೊದಲು ಅವರು ಸಿಎಂ ಕುಮಾರಸ್ವಾಮಿ ಜತೆ ಅಜ್ಮೀರ್ ದರ್ಗಾಕ್ಕೆ ಭೇಟಿ ನೀಡಿದ್ದರು.
