ಇಲ್ಲಿ ಆನೆ, ಪಾರಿವಾಳ, ಜಿಂಕೆಗಳಿಗೂ ಮತದಾನದ ಹಕ್ಕು…! ಅದ್ಹೇಗೆ ಸಾಧ್ಯ ಅಂತೀರಾ.. ಇಲ್ಲಿ ನೋಡಿ….!

ಲಖನೌ: 51 ವರ್ಷದ ಮಹಿಳೆ ಹೆಸರು ಮುಂದೆ ಸನ್ನಿ ಲಿಯೋನ್​ ಫೋಟೋ… 51 ವರ್ಷದ ಮಹಿಳೆ ಹೆಸರು ಮುಂದೆ ಆನೆ ಫೋಟೋ… ಇದೇ ರೀತಿ ಹಲವರ ಹೆಸರಿನ ಮುಂದೆ ಪಾರಿವಾಳ, ಜಿಂಕೆ ಮತ್ತಿತರ ಫೋಟೋಗಳು….

ಇದೇನು ಅಂತ ಯೋಚಿಸ್ತಿದ್ದೀರಾ..? ಉತ್ತರ ಪ್ರದೇಶದ  ಬಲ್ಲಿಯಾ ಸದರ್​ ತಹ್ಶೀಲ್​ನ  ಪರಿಸ್ಕೃತ ಮತದಾರರ ಪಟ್ಟಿಯಲ್ಲಿ ಕಂಡು ಬಂದ ದೋಷಗಳಿವು. ಅಧಿಕಾರಿಗಳ ಬೇಜವಬ್ದಾರಿತನಕ್ಕೆ ಈ ಘಟನೆ ಮತ್ತೊಂದು ಉದಾಹರಣೆಯಾಗಿದೆ.  ಇತ್ತೀಚೆಗೆ ಬಿಡುಗಡೆಯಾದ  ಎರಡು ಪುಟಗಳ ಪರಿಷ್ಕೃತ ಮತದಾರರ  ಪಟ್ಟಿಯಲ್ಲಿ ಈ ಅಚಾತುರ್ಯ ನಡೆದಿದ್ದು, ಈ ಸಂಗತಿ ಸೊಶಿಯಲ್ ಮೀಡಿಯಾದಲ್ಲಿ ತುಂಬಾ ಸುದ್ದಿ ಮಾಡುತ್ತಿದೆ.

ಈ ಬಗ್ಗೆ ಮಾಹಿತಿ ನೀಡಿರುವ  ಬಲ್ಲಿಯಾ ಪ್ರದೇಶದ ಹೆಚ್ಚುವರಿ ಜಿಲ್ಲಾಧಿಕಾರಿ, ಪರಿಷ್ಕೃತ ಮತದಾರರ ಪಟ್ಟಿಯಲ್ಲಿನ ಏಳರಿಂದ ಎಂಟು ಮತದಾರರ ಹೆಸರಿನ ಮುಂದೆ ಪ್ರಾಣಿ, ಪಕ್ಷಗಳ ಪೋಟೋ ಬಂದಿರುವುದು ತಿಳಿಯಿತು. ಇದಕ್ಕೆ ಆಪರೇಟರ್​ ವಿಷ್ಣುದೇವ್​ ಶರ್ಮ ಎಂಬಾತ ಕಾರಣವಾಗಿದ್ದು, ಆತನನ್ನು ಬಂಧಿಸಲಾಗಿದೆ ಎಂದು ಹೇಳಿದ್ದಾರೆ. ಈತನ ಮೇಲೆ ಎಫ್​ಐಆರ್​ ಕೂಡ ದಾಖಲಾಗಿದೆ ಎಂದು ತಿಳಿದುಬಂದಿದೆ.