ಮೈಸೂರು,ಜು.4-ಅಡ್ಡಾದಿಡ್ಡಿ ಚಲಿಸಿದಲಾರಿ, ರಸ್ತೆ ಬಳಿಯ ದೇವಾಲಯಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಅರ್ಚಕ ಸೇರಿ ಮೂವರು ಸಣ್ಣಪುಟ್ಟ ಗಾಯಗೊಂಡಿರುವ ಘಟನೆ ನಡೆದಿದೆ. ದೇವಾಲಯದ ಅರ್ಚಕ ಅನ್ನದಾನಪ್ಪ , ರವಿಚಂದ್ರ, ವಿನಾಯಕ ಗಾಯಗೊಂಡವರು. ಮಂಡಿಮೊಹಲ್ಲಾ ನಿವಾಸಿ ಲಾರಿ ಚಾಲಕ ರಾಘವೇಂದ್ರ ಮೈಸೂರಿನಿಂದ ನಂಜನಗೂಡಿನ ಕಡೆಗೆ ಸಿಮೆಂಟ್ ತುಂಬಿದ ಲಾರಿಯನ್ನು ಚಾಲನೆ ಮಾಡುತ್ತಾ ಬರುತ್ತಿದ್ದಾಗ ಹಿಂಬದಿಯಿಂದ ಮತ್ತೊಂದು ಲಾರಿ ಅತಿವೇಗವಾಗಿ ಬಂದಿದೆ. ಈ ಸಂದರ್ಭದಲ್ಲಿ ಈ ಇಬ್ಬರು ಚಾಲಕರ ನಡುವೆ ಪೈಪೆÇೀಟಿ ನಡೆದಿದೆ.
ಹಿಂಬದಿಯ ಲಾರಿಯನ್ನು ಓವರ್‍ಟೇಕ್ ಮಾಡಲು ಹೋಗಿ ಒಂದು ಲಾರಿ ನಿಯಂತ್ರಣ ತಪ್ಪಿ ಮೈಸೂರು-ನಂಜನಗೂಡು ರಸ್ತೆಯಲ್ಲಿನ ರಿಂಗ್ ರಸ್ತೆ ವೃತ್ತದ ಬಳಿ ಬಸವೇಶ್ವರ ದೇಗುಲಕ್ಕೆ ನುಗ್ಗಿದೆ. ಈ ಘಟನೆಯಿಂದಾಗಿ ಅರ್ಚಕ ಮತ್ತು ದೇವಸ್ಥಾನದ ಬಳಿ ನಿಂತಿದ್ದ ಇಬ್ಬರು ಪ್ರಯಾಣಿಕರು ಸಣ್ಣಪುಟ್ಟ ಗಾಯಗೊಂಡಿದ್ದಾರೆ. ಗಾಯಾಳುಗಳು ಕೆ.ಆರ್.ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ವಿಷಯ ತಿಳಿದು ಕೆ.ಆರ್.ಸಂಚಾರಿ ಪೆÇಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿ, ಪ್ರಕರಣ ದಾಖಲಿಸಿಕೊಂಡು ಲಾರಿ ಚಾಲಕನನ್ನು ವಶಕ್ಕೆ ಪಡೆದು ವಿಚಾರಣೆಗೊಳಪಡಿಸಿದ್ದಾರೆ.
