ಚೇಳೂರು/ತುಮಕೂರು,ಜೂ.14- ಬಟ್ಟೆ ಒಗೆಯಲು ಊರಿನ ಹೊರವಲಯದ ಕಟ್ಟೆ ಬಳಿ ಯುವತಿ ತೆರಳಿದ್ದಾಗ ಕಿಡಿಗೇಡಿಯೊಬ್ಬ ಈಕೆಯನ್ನು ಎಳೆದೊಯ್ದು ಅತ್ಯಾಚಾರಕ್ಕೆ ಯತ್ನಿಸಿರುವ ಘಟನೆ ನಡೆದಿದೆ.
ಅನ್ಯ ಕೋಮಿನ ಯುವಕನೊಬ್ಬ 19 ವರ್ಷದ ಯುವತಿ ಮೇಲೆ ಅತ್ಯಾಚಾರಕ್ಕೆ ಯತ್ನಿಸಿದ್ದು, ಆತನಿಂದ ತಪ್ಪಿಸಿಕೊಂಡ ಯುವತಿ ಕುರಿಗಾಹಿಗಳ ರಕ್ಷಣೆ ಪಡೆದು ಠಾಣೆಗೆ ದೂರು ನೀಡಿದ್ದಾಳೆ.
ಊರಿನ ಹೊರವಲಯದ ಕಟ್ಟೆ ಬಳಿ ನಿನ್ನೆ ಬೆಳಗ್ಗೆ ಬಟ್ಟೆ ಒಗೆಯಲು ಹೋಗಿದ್ದಾಗ ಕಟ್ಟೆ ಬಳಿಯ ಸಣ್ಣ ಕ್ವಾರೆ ಬಳಿಗೆ ಯುವತಿಯನ್ನು ಎಳೆದೊಯ್ದು ಅತ್ಯಾಚಾರಕ್ಕೆ ಯತ್ನಿಸಿದ್ದಾನೆ.
ಯುವತಿ ಆತನಿಂದ ತಪ್ಪಿಸಿಕೊಂಡು ಅಲ್ಲೆ ಇದ್ದ ಕುರಿಗಾಹಿಗಳ ರಕ್ಷಣೆ ಪಡೆದು ಚೇಳೂರು ಠಾಣೆಗೆ ಬಂದು ಆರೋಪಿ ಸಮೀರ್ ಎಂಬಾತನ ವಿರುದ್ಧ ದೂರು ನೀಡಿದ್ದಾಳೆ.
ಗುಬ್ಬಿ ವೃತ್ತ ನಿರೀಕ್ಷಕ ರಂಗಸ್ವಾಮಿ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ.
