ಕ್ಷುಲ್ಲಕ ವಿಷಯಕ್ಕೆ ನಾಲ್ಕು ಮಂದಿ ಸ್ನೇಹಿತರು ಯುವಕನ ಮೇಲೆ ಮಾರಣಾಂತಿಕ ಹಲ್ಲೆ

ಮೈಸೂರು, ಜೂ.14- ಕ್ಷುಲ್ಲಕ ವಿಷಯಕ್ಕೆ ನಾಲ್ಕು ಮಂದಿ ಸ್ನೇಹಿತರು ಯುವಕನ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿರುವ ಘಟನೆ ನಗರದ ಕೆ.ಆರ್.ಪೆÇಲೀಸ್ ಠಾಣೆ ವ್ಯಾಪ್ತಿಯಲ್ಲಿ ನಡೆದಿದೆ. ಹುಲ್ಲಿನ ಬೀದಿ ನಿವಾಸಿ ಗಣೇಶ್(25) ಎಂಬಾತ ಹಲ್ಲೆಗೊಳಗಾಗಿರುವ ಯುವಕ. ಶೀನ, ಪ್ರಕಾಶ, ದರ್ಶನ್ ಹಾಗೂ ಮನು ಎಂಬುವರು ಹಲ್ಲೆ ಮಾಡಿದ್ದಾರೆಂದು ಆರೋಪಿಸಲಾಗಿದೆ. ನಿನ್ನೆ ಸಂಜೆ ಗಣೇಶ್ ರಸ್ತೆಯಲ್ಲಿ ನಿಂತು ಯಾರೊಂದಿಗೋ ಮೊಬೈಲ್‍ನಲ್ಲಿ ಮಾತನಾಡುತ್ತಿದ್ದಾಗ ಈ ನಾಲ್ವರು ಏಕಾಏಕಿ ಕ್ಯಾತೆ ತೆಗೆದು ಸಾರ್ವಜನಿಕರ ಎದುರೇ ಅಲ್ಲೇ ಇದ್ದ ಕಲ್ಲನ್ನು ತೆಗೆದು ತಲೆ ಮೇಲೆ ಎತ್ತಿಹಾಕಿದ್ದಾರೆ.
ತೀವ್ರ ಗಾಯಗೊಂಡಿರುವ ಗಣೇಶ್‍ನನ್ನು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಇದನ್ನೆಲ್ಲ ಯಾರೋ ಮೊಬೈಲ್‍ನಲ್ಲಿ ಚಿತ್ರೀಕರಿಸಿ ಸಾಮಾಜಿಕ ಜಾಲತಾಣಗಳಲ್ಲಿ ಹರಿಯಬಿಟ್ಟಿದ್ದು, ಇದನ್ನು ಕಂಡ ಜನ ಬೆಚ್ಚಿ ಬಿದ್ದಿದ್ದಾರೆ. ಕೆ.ಆರ್.ಠಾಣೆ ಪೆÇಲೀಸರು ಪ್ರಕರಣ ದಾಖಲಿಸಿಕೊಂಡು ಆರೋಪಿಗಳಾದ ಶೀನ, ಪ್ರಕಾಶ, ದರ್ಶನ್, ಮನು ಎಂಬುವರನ್ನು ಬಂಧಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.