ನಗರದಲ್ಲಿ ಎರಡು ಕಡೆ ನಿನ್ನೆ ಬೆಳಗ್ಗೆ ಸರ ಅಪಹರಣ

 

ಬೆಂಗಳೂರು, ಜೂ.4-ನಗರದಲ್ಲಿ ಎರಡು ಕಡೆ ನಿನ್ನೆ ಬೆಳಗ್ಗೆ ಸರ ಅಪಹರಣ ನಡೆದಿದ್ದು, ಇಬ್ಬರು ಮಹಿಳೆಯರ ಸರಗಳನ್ನು ಎಗರಿಸಲಾಗಿದೆ.
ಮೈಕೋಲೇಔಟ್: ಬಿಟಿಎಂ ಲೇಔಟ್ 2ನೇ ಹಂತ, 7ನೇ ಕ್ರಾಸ್ ನಿವಾಸಿ ಪುಷ್ಪಾವತಿ ಎಂಬುವರು ನಿನ್ನೆ ಬೆಳಗ್ಗೆ 5.30ರಲ್ಲಿ ಮನೆ ಮುಂದೆ ನೀರು ಹಾಕುತ್ತಿದ್ದಾಗ ಬೈಕ್‍ನಲ್ಲಿ ಬಂದ ಇಬ್ಬರು ಸರಗಳ್ಳರು ಇವರ ಕೊರಳಲ್ಲಿದ್ದ 40 ಗ್ರಾಂ ಸರ ಎಗರಿಸಿ ಪರಾರಿಯಾಗಿದ್ದಾರೆ.

ಹೆಬ್ಬಾಳ: ಭುವನೇಶ್ವರಿ ನಗರದ 3ನೇ ಕ್ರಾಸ್ ನಿವಾಸಿ ಗಿರಿಜಮ್ಮ ಎಂಬುವರು ನಿನ್ನೆ ಬೆಳಗ್ಗೆ 8.30ರಲ್ಲಿ ಮನೆ ಮುಂದೆ ರಂಗೋಲಿ ಹಾಕುತ್ತಿದ್ದಾಗ, ಬೈಕ್‍ನಲ್ಲಿ ಇವರ ಹಿಂಬದಿ ಬಂದ ಇಬ್ಬರು ಸರಗಳ್ಳರ ಪೈಕಿ ಒಬ್ಬಾತ ಅವರ ಕೊರಳಿಗೆ ಕೈ ಹಾಕಿ 30 ಗ್ರಾಂ ಸರ ಎಳೆದುಕೊಂಡು ಪರಾರಿಯಾಗಿದ್ದಾರೆ.
ಈ ಎರಡೂ ಪ್ರಕರಣಗಳನ್ನು ಆಯಾ ಠಾಣೆ ಪೆÇಲೀಸರು ದಾಖಲಿಸಿಕೊಂಡು ಸರಗಳ್ಳರ ಪತ್ತೆಗೆ ಬಲೆ ಬೀಸಿದ್ದಾರೆ.