ಮೈಸೂರು ,ಏ.25-ಮೇ 12ರಂದು ನಡೆಯಲಿರುವ ರಾಜ್ಯ ವಿಧಾನಸಭಾ ಚುನಾವಣೆಗೆ ನಾಮಪತ್ರ ಸಲ್ಲಿಸಲು ಕಡೆ ದಿನವಾದ ನಿನ್ನೆ ಮೈಸೂರಿನಲ್ಲಿ ಒಟ್ಟು 99 ಮಂದಿ ನಾಮಪತ್ರ ಸಲ್ಲಿಸಿದ್ದಾರೆ.
ಈವರೆಗೆ ಜಿಲ್ಲೆಯಲ್ಲಿ ಒಟ್ಟು 207 ನಾಮಪತ್ರಗಳನ್ನು ಸಲ್ಲಿಸಲಾಗಿದೆ. ಕೃಷ್ಣರಾಜ ವಿಧಾನಸಭಾ ಕ್ಷೇತ್ರದಲ್ಲಿ 15 ನಾಮಪತ್ರಗಳು ಸೇರಿದಂತೆ ಈವರೆಗೆ ಒಟ್ಟು 27 ಅಭ್ಯರ್ಥಿಗಳು 42 ನಾಮಪತ್ರಗಳನ್ನು ಸಲ್ಲಿಸಿದರು.
ಚಾಮರಾಜ ವಿಧಾನಸಭಾ ಕ್ಷೇತ್ರದಲ್ಲಿ ನಿನ್ನೆ 9 ಮಂದಿ ನಾಮಪತ್ರ ಸಲ್ಲಿಸದ್ದು, ಒಟ್ಟು ಈ ಕ್ಷೇತ್ರದಲ್ಲಿ 18 ಮಂದಿ 25 ನಾಮಪತ್ರಗಳನ್ನು ದಾಖಲಿಸಿದ್ದಾರೆ.
ನರಸಿಂಹರಾಜ ವಿಧಾನಸಭಾ ಕ್ಷೇತ್ರದಲ್ಲಿ ಮಂಗಳವಾರ 9 ಮಂದಿ ತಮ್ಮ ಉಮೇದುವಾರಿಕೆ ಸಲ್ಲಿಸಿದ್ದು , ಈವರೆಗೆ ಒಟ್ಟು 18 ಅಭ್ಯರ್ಥಿಗಳ 19 ನಾಮಪತ್ರ ಸಲ್ಲಿಸಿದ್ದಾರೆ.
ಚಾಮುಂಡೇಶ್ವರಿ ವಿಧಾನಸಭಾ ಕ್ಷೇತ್ರದಲ್ಲಿ ನಿನ್ನೆ 14 ಮಂದಿ ಒಂದೇ ದಿನ ನಾಮಪತ್ರ ಸಲ್ಲಿಸಿದ್ದು ಒಟ್ಟು ಈ ಕ್ಷೇತ್ರದಲ್ಲಿ 25 ಮಂದಿ 39 ನಾಮಪತ್ರಗಳನ್ನು ದಾಖಲಿಸಿದ್ದಾರೆ.
ವರುಣಾ ಒಟ್ಟು 42, ನಂಜನಗೂಡಿನಲ್ಲಿ 10,ಟಿ.ನರಸೀಪುರದಲ್ಲಿ 15, ಎಚ್.ಡಿ.ಕೋಟೆಯಲ್ಲಿ 18, ಹುಣಸೂರಿನಲ್ಲಿ 16 , ಪಿರಿಯಾಪಟ್ಟಣದಲ್ಲಿ 11, ಕೆ.ಆರ್.ನಗರದಲ್ಲಿ 9 ನಾಮಪತ್ರಗಳು ಸಲ್ಲಿಕೆಯಾಗಿವೆ ಎಂದು ಚುನಾವಣಾಧಿಕಾರಿಗಳು ತಿಳಿಸಿದರು.
