ವಿಶ್ವಸಂಸ್ಥೆ: ಒಂದೆಡೆ ಕೊರೋನಾದಿಂದ ದೇಶವನ್ನು ಹೊರತರಲು ರಾಷ್ಟ್ರಗಳು ಹೋರಾಡುತ್ತಿದ್ದರೆ, ಅಲ್ ಖೈದಾ ಹಾಗೂ ಐಸಿಸ್ ಉಗ್ರ ಸಂಘಟನೆಗಳು ಮಾತ್ರ ಕೊರೋನಾವನ್ನೇ ಅಸ್ತ್ರಮಾಡಿಕೊಂಡು, ವಿಶ್ವಾದ್ಯಂತ ಸೋಂಕು ಹರಡುವಂತೆ ಭಯೋತ್ಪಾದಕರಿಗೆ ಕರೆ ನೀಡಿದೆ ಎಂದು ವಿಶ್ವಸಂಸ್ಥೆ ತಿಳಿಸಿದೆ.
ಜತೆಗೆ ಕೊರೋನಾವು ಪಾಶ್ಚಿಮಾತ್ಯ ರಾಷ್ಟ್ರಗಳನ್ನು ಶಿಕ್ಷಿಸಲು ದೇವರು ಸೃಷ್ಟಿಸಿರುವ ಸಾಧನವಾಗಿದ್ದು, ಸೋಂಕು ಅಲ್ಲಾಹುವಿನ ಸಿಪಾಯಿ ಎಂಬ ಗೊಡ್ಡು ವಾದವನ್ನು ಭಯೋತ್ಪಾದಕರ ತಲೆಗೆ ತುಂಬುತ್ತಿವೆ ಎಂದೂ ಮಾಹಿತಿ ನೀಡಿದೆ.
ವೈರಾಣು ಬಗ್ಗೆ ವದಂತಿ ನಿಲ್ಲಿಸಿ: ಕೊರೋನಾ ಬಿಕ್ಕಟ್ಟಿನ ವೇಳೆ ಉಗ್ರರು, ಪ್ರತ್ಯೇಕವಾದಿಗಳು ಹಾಗೂ ಅಪರಾಗಳಿಂದ ಸಾಮಾಜಿಕ ಜಾಲತಾಣ ದುರ್ಬಳಕೆ ಎಂಬ ಶೀರ್ಷಿಕೆವುಳ್ಳ ವರದಿಯನ್ನು ವಿಶ್ವಸಂಸ್ಥೆಯ ಅಂತರ ಪ್ರಾದೇಶಿಕ ಅಪರಾಧ ಮತ್ತು ನ್ಯಾಯ ಸಂಶೋಧನಾ ಸಂಸ್ಥೆ (ಯುಎನ್‍ಐಸಿಆರ್‍ಐ) ಬುಧವಾರ ಬಿಡುಗಡೆಮಾಡಿದೆ. ಈ ಮೂಲಕ ಜಾಗತಿಕ ಉಗ್ರ ಸಂಘಟನೆಗಳು ಹೆಣೆದಿರುವ ನೂತನ ತಂತ್ರವನ್ನು ಬಯಲುಮಾಡಿದೆ.
ಹಲವಾರು ವರ್ಷಗಳಿಂದ ಮುಸ್ಲಿಮರನ್ನು ಶೋಷಿಸಿದ ಪಾಶ್ಚಾತ್ಯ ರಾಷ್ಟ್ರಗಳಿಗೆ ಪಾಠ ಎಂಬಂತೆ ಕೊರೋನಾ ಆವರಿಸಿದ್ದು, ಅಲ್ಲಾವುವಿನಲ್ಲಿ ನಂಬಿಕೆ ಹೊಂದಿರದವರನ್ನು ಶಿಕ್ಷಿಸುತ್ತದೆ. ಹಾಗಾಗಿ ನಾವು ಸೋಂಕನ್ನೇ ನಮ್ಮ ಅಸ್ತ್ರವನ್ನಾಗಿ ಮಾಡಿಕೊಳ್ಳಬೇಕಿದೆ ಎಂದು ಸಾಮಾಜಿಕ ಮಾಧ್ಯಮಗಳಲ್ಲಿ ಉಗ್ರರು, ಪ್ರತ್ಯೇಕವಾದಿಗಳು ಹಾಗೂ ಅಪರಾಗಳು ಕರೆ ನೀಡುತ್ತಿದ್ದಾರೆಂದು ವರದಿಯಲ್ಲಿದೆ.
ಜತೆಗೆ ಸೋಂಕು ಹರಡುವುದಕ್ಕಾಗಿ ಸಂಪರ್ಕ ಸೃಷ್ಟಿ, ಸರ್ಕಾರಗಳ ಬಗ್ಗೆ ಜನರ ಗೌರವ ಕಡಿಮೆಮಾಡಲು ಹಾಗೂ ಸೋಂಕು ತಗುಲಿದ ಉಗ್ರರನ್ನು ಬಾಂಬರ್‍ಗಳಂತೆ ಬಳಸಿಕೊಂಡು, ಇತರರಿಗೆ ಹರಡಲು ಉಗ್ರ ಸಂಘಟನೆಗಳಿಗೆ ಫತ್ವಾಹೊರಡಿಸಲಾಗಿದೆ ಎಂದೂ ಜಾಗತಿಕ ಫತ್ವಾ ಸೂಚ್ಯಂಕ ಪತ್ತೆಹಚ್ಚಿದೆ.
