ಬೆಂಗಳೂರು,ಜೂ.12- ಐಎಂಎ ಜುವೆಲ್ಸ್ ಪ್ರಕರಣ ನಮ್ಮ ಕಣ್ಣಮುಂದೆ ಇರುವಾಗಲೇ ಇದೀಗ ಮತ್ತೊಂದು ಕಂಪನಿ ವಂಚನೆ ಪ್ರಕರಣದ ವಿರುದ್ಧ ಸಿ.ಕೆ.ಅಚ್ಚುಕಟ್ಟು ಪೊಲೀಸ್ ಠಾಣೆಯಲ್ಲಿ ಎಫ್‍ಐಆರ್ ದಾಖಲಾಗಿದೆ.
ಆರಾಧ್ಯ ಮಲ್ಟಿ ಸರ್ವೀಸ್ ಪ್ರೈ.ಲಿ., ಸಂಸ್ಥೆ ವಿರುದ್ಧ ಉದ್ಯೋಗಸ್ಥ ಮಹಿಳೆ ರೂಪಾ ಎಂಬುವರು ದೂರು ನೀಡಿದ್ದಾರೆ.
ಈ ಸಂಸ್ಥೆಯು ಮೆಡಿಕಲ್‍ಶಾಪ್, ರಿಯಲ್ ಎಸ್ಟೇಟ್, ಶಾಪಿಂಗ್ ಮಾಲ್ ತೋರಿಸಿ 45 ದಿನಕ್ಕೆ ಶೇ.9ರಷ್ಟು ಲಾಭಾಂಶ ನೀಡುವುದಾಗಿ ಹೇಳಿ ನಂಬಿಸಿದ್ದಾರೆ.
ಈ ಕಂಪನಿ ನಂಬಿ 50 ಲಕ್ಷ ರೂ. ಹೂಡಿಕೆ ಮಾಡುತ್ತಿದ್ದೇನೆಂದು ರೂಪಾ ದೂರಿನಲ್ಲಿ ತಿಳಿಸಿದ್ದಾರೆ.
ಕಂಪನಿ ವಿರುದ್ಧ ರೂಪಾ ಅವರು ದೂರು ನೀಡಲು ಮುಂದಾಗುತ್ತಿದ್ದಂತೆ ನಿರ್ದೇಶಕರು ರಾಜಿಗೆ ಮುಂದಾಗಿದ್ದಾರೆಂಬ ಮಾಹಿತಿ ಲಭ್ಯವಾಗಿದೆ.
