ಬೆಂಗಳೂರು,ಜೂ.03-ಚಿತ್ರದುರ್ಗ ಜಿಲ್ಲೆಯ ಜನಸಾಗರ ಪತ್ರಿಕೆಯ ಮಹಂತೇಶ್ ರಕ್ತದೊತ್ತಡದಿಂದಾಗಿ ಇಂದು ಬೆಳಗಿನ ಜಾವ ಸಾವನ್ನಪ್ಪಿದ್ದಾರೆ.
ಜಿಲ್ಲಾ ಕಾರ್ಯನಿರತ ಪತ್ರಕರ್ತರ ಸಂಘದ ಕಾರ್ಯಕಾರಿ ಸಮಿತಿ ಸದಸ್ಯರಾಗಿದ್ದ ಮಹಂತೇಶ್, ನಿನ್ನೆ ಹಾಸನದಲ್ಲಿ ನಡೆದ 86ನೇ ಸರ್ವ ಸದಸ್ಯರ ಸಭೆಯಲ್ಲಿ ಭಾಗವಹಿಸಿ ಊರಿಗೆ ವಾಪಸ್ ಬಂದಿದ್ದರು. ಇಂದು ಬೆಳಗ್ಗೆ ರಕ್ತದೊತ್ತಡದಿಂದಾಗಿ ಹೃದಯಾಘಾತವಾಗಿ ಸಾವನ್ನಪ್ಪಿದ್ದಾರೆ.
ಇತ್ತೀಚೆಗೆ ಅಪಘಾತದಲ್ಲಿ ಗಾಯಗೊಂಡು ಚಿಕಿತ್ಸೆ ಪಡೆಯುತ್ತಿದ್ದ ಚನ್ನರಾಯಪಟ್ಟಣ ತಾಲ್ಲೂಕು ಕನ್ನಡಪ್ರಭು ವರದಿಗಾರ ಮಾದಿಹಳ್ಳಿ ವೆಂಕಟೇಶ್ ನಿಧನರಾಗಿದ್ದಾರೆ.
ತಾಲೂಕು ಪತ್ರಕರ್ತರ ಸಂಘದ ಮಾಜಿ ಅಧ್ಯಕ್ಷರೂ ಆಗಿದ್ದ ಇವರು, ಪತ್ನಿ ಹಾಗೂ ಇಬ್ಬರು ಮಕ್ಕಳನ್ನು ಅಗಲಿದ್ದಾರೆ.
