ಟೀಂ ಇಂಡಿಯಾದ ಚೈನಾಮನ್ ಸ್ಪಿನ್ನರ್ ಕುಲ್ದೀಪ್ ಯಾದವ್ ಈಗ Talk Of The town ಆಗಿದ್ದಾರೆ. ಟೀಂ ಇಂಡಿಯಾಕ್ಕೆ Debut ಮಾಡಿದ ಕೆಲವೇ ತಿಂಗಳಲ್ಲಿ ಸೂಪರ್ ಸ್ಪೆಲ್ ಮಾಡಿ ಘಟಾನುಘಟಿ ಬ್ಯಾಟ್ಸ್ಮನ್ಗಳನ್ನ ನೆಲಕ್ಕುರುಳಿಸಿ ಇಡೀ ವಿಶ್ವ ಕ್ರಿಕೆಟ್ಟೆ ನಿಬ್ಬೆರೆಗಾಗಿ ತನ್ನತ್ತ ನೋಡುವಂತೆ ಮಾಡಿದ್ರು. ಆದರೆ ಇದೀಗ ಕುಲ್ದೀಪ್ ಚಾಂಪಿಯನ್ ಪ್ಲೇಯರ್ ಧೋನಿ ಬಗ್ಗೆ ಇಲ್ಲಸಲ್ಲದ ಟೀಕೆಗಳನ್ನ ಮಾಡಿದ ಆರೋಪಕ್ಕೆ ಗುರಿಯಾಗಿದ್ದಾರೆ.
ಮೊನ್ನೆ ಮೊನ್ನೆಯಷ್ಟೆ ಮುಕ್ತಾಯವಾದ ಐಪಿಎಲ್ನಲ್ಲಿ ಕಳಪೆ ಪರ್ಫಾಮನ್ಸ್ ಕೊಟ್ಟು ಟೂರ್ನಿಯ ಮಧ್ಯ ಭಾಗದಲ್ಲೆ ತಂಡದ ಪ್ಲೇಯಿಂಗ್ ಇಲೆವೆನ್ನಿಂದ ಕಿಕೌಟ್ ಆಗಿದ್ದ ಈ ಚೈನಾಮನ್ ಸ್ಪಿನ್ನರ್ ತಮ್ಮ ಪರ್ಫಾಮನ್ಸ್ ಬಗ್ಗೆ ವಿಮರ್ಶೆಯನ್ನ ಮಾಡೋದು ಬಿಟ್ಟು ಧೋನಿ ಬಗ್ಗೆ ಮಾತನಾಡಿ ನಾಲಗೆ ಸುಟ್ಟುಕೊಂಡಿದ್ದಾರೆ.
ಆನ್ಫೀಲ್ಡ್ನಲ್ಲಿ ಬಿಕ್ಕಿ ಬಿಕ್ಕಿ ಅತ್ತಿದ್ದ ಚೈನಾಮನ್ ಸ್ಪಿನ್ನರ್
ಈ ಬಾರಿಯ ಐಪಿಎಲ್ ಕುಲ್ದೀಪ್ ಪಾಲಿಗೆ ಬಿಸಿ ತುಪ್ಪವಾಗಿದೆ. ಈ ಬಾರಿಯ ಟೂರ್ನಿಯಲ್ಲಿ ಕುಲ್ದೀಪ್ 8 ಪಂದ್ಯಗಳಿಂದ 71.50 ಎವರೇಜ್ ಅಡಿಯಲ್ಲಿ ಕೇವಲ 4 ವಿಕೆಟ್ ಪಡೆದಿದ್ದಾರೆ. ಅದರಲ್ಲೂ ತವರಿನಲ್ಲಿ ಆರ್ಸಿಬಿ ವಿರುದ್ಧದ ಪಂದ್ಯದಲ್ಲಿ ಆಲ್ರೌಂಡರ್ ಮೊಯಿನ್ ಅಲಿ ಕುಲ್ದೀಪ್ ಯಾದವ್ ಅವರ ಒಂದೇ ಓವರ್ನಲ್ಲಿ 27 ರನ್ ಚೆಚ್ಚಿದ್ರು. ಆಗ ಕುಲ್ದೀಪ್ ಯಾದವ್ ಮೈದಾನದಲ್ಲೆ ಬಿಕ್ಕಿ ಬಿಕ್ಕಿ ಅತ್ತಿದ್ರು.
ಎಲ್ಲಾ ಸಂದರ್ಭದಲ್ಲೂ ಧೋನಿ ಟಿಪ್ಸ್ ವರ್ಕೌಟ್ ಆಗಲ್ಲ
ಹೀಗೆ ಐಪಿಎಲ್ನಿಂದ ಹೊರ ಬಿದ್ದ ಕುಲ್ದೀಪ್ ಐಪಿಎಲ್ ಟೂರ್ನಿ ಮುಗಿಯುತ್ತಿದ್ದಂತೆ ಚೆನ್ನೈ ತಲೈವಾ ಧೋನಿ ಏನೋ ಹೇಳಲು ಹೋಗಿ ಪೇಚಿಗೆ ಸಿಲುಕಿದ್ದಾರೆ.
ಮೊನ್ನೆ ಮುಂಬೈ ವಿರುದ್ಧ ಚೆನ್ನೈ ತಂಡ 1 ರನ್ಗಳ ವಿರೋಚಿತ ಸೋಲು ಕಾಣುತ್ತಿದ್ದಂತೆ ಈ ರಿಸ್ಟ್ ಸ್ಪಿನ್ನರ್ ಧೋನಿ ವಿರುದ್ಧ ಧೋನಿ ಟಿಪ್ಸ್ ಎಲ್ಲಾ ಟೈಮ್ನಲ್ಲೂ ವರ್ಕೌಟ್ ಆಗಲ್ಲ.ಕೆಲವೊಮ್ಮೆ ಧೋನಿ ನೀಡಿದ ಟಿಪ್ಸ್ ಉಲ್ಟಾ ಹೊಡೆದಿದ್ದಿದೆ.ಆದ್ರೆ ಇದನ್ನ ಧೋನಿಗೆ ಹೇಳೋಕಾಗಲ್ಲ.ಸಾಮಾನ್ಯವಾಗಿ ಧೋನಿ ಬೌಲರ್ಗಳ ಜೊತೆ ಹೆಚ್ಚು ಮಾತನಾಡಲ್ಲ.ಓವರ್ಗಳ ಮಧ್ಯೆ ಅವಶ್ಯಕತೆ ಇದ್ರೆ ಮಾತ್ರ, ಬೌಲರ್ಗಳೊಂದಿಗೆ ಮಾತನಾಡ್ತಾರೆ ಎಂದಿದ್ದಾರೆ.
ಕುಲ್ದೀಪ್ ಯಾದವ್ ಧೋನಿ ವಿರುದ್ಧ ಹೀಗೆ ಮಾತಾನಾಡದ್ರಾ ಅಂಥ ಭಾರತೀಯ ಕ್ರಿಕೆಟ್ನಲ್ಲಿ ಭಾರೀ ಚರ್ಚೆಗೆ ಕಾರಣವಾಯಿತು. ಮೂರು ಐಸಿಸಿ ಟ್ರೋಫಿಗಳನ್ನ ಗೆದ್ದು ಕೊಟ್ಟ ಲೆಜೆಂಡ್ ಬಗ್ಗೆ ಕುಲ್ದೀಪ್ ಮಾತನಾಡಿದ್ದು ಧೋನಿ ಅಭಿಮಾನಿಗಳ ಕಣ್ಣು ಕೆಂಪಾಗುವಂತೆ ಮಾಡಿತ್ತು.
ಇದೆಲ್ಲ ಮಾಧ್ಯಮದ ಸೃಷ್ಟಿ ಎಂದ ರಿಸ್ಟ್ ಸ್ಪಿನ್ನರ್
ಧೋನಿ ವಿರುದ್ಧ ಮಾತನಾಡಿದ್ದು ವಿವಾದ ಆಗುತ್ತಿದ್ದಂತೆ ಸ್ವತಃ ಕುಲ್ದೀಪ್ ಸ್ಪಷ್ಟನೆ ನೀಡಿದ್ದಾರೆ. ತಮ್ಮ ಇನ್ಸ್ಟ್ರಾಗಾಮ್ನ ಸ್ಟೇಟಸ್ನಲ್ಲಿ , ಧೋನಿ ಅಣ್ಣನ ಬಗ್ಗೆ ಬಹಳ ಗೌರವಿದೆ ಎಂದು ಬರೆದುಕೊಂಡಿದ್ದಾರೆ.
ಕುಲ್ದೀಪ್ಗೆ ಆತ್ಮ ವಿಶ್ವಾಸ ತುಂಬಿದ ಮಾಹಿ
ಧೋನಿ ವಿರುದ್ಧ ಕುಲದೀಪ್ ಮಾತನಾಡಿದ್ದರೋ ಇಲ್ಲವೋ ಅನ್ನೋದು ಇನ್ನಷ್ಟೆ ತಿಳಿಯಬೇಕಿದೆ. ಆದ್ರೆ ಚೆನ್ನೈ ತಲೈವಾ ಧೋನಿ ಮಾತ್ರ ಐಪಿಎಲ್ ಫ್ಲಾಪ್ ಪರ್ಫಾಮನ್ಸ್ ಕೊಟ್ಟ ಕುಲ್ದೀಪ್ಗೆ ಆತ್ಮವಿಶ್ವಾಸ ತುಂಬಿದ್ದಾರೆ. ಇದನ್ನ ಸ್ವತಃ ಕುಲ್ದೀಪ್ ಯಾದವ್ ಹೇಳಿಕೊಂಡಿದ್ದಾರೆ.
ಧೋನಿ ನಮಗೆ ಒಳ್ಳೆಯದನ್ನ ಮಾಡಿದ್ದಾರೆ
ಐಪಿಎಲ್ ಕಳೆಪೆ ಪ್ರದರ್ಶನ ಕೊಟ್ಟ ನಂತರ ನಾನು ಕಾನ್ಫಿಡೆನ್ಸ್ ಕಳೆದುಕೊಳ್ಳಬಾರದು ಅಂತ ಧೋನಿ ನನಗೆ ಮೆಸೆಜ್ ಒಂದನ್ನ ಕಳುಹಿಸಿದ್ದಾರೆ. ಈ ಮೆಸೆಜ್ ಪಂದ್ಯದ ಮೇಲೆ ಮಾತ್ರ ಗಮನಸ ಕೇಂದ್ರಿಕರಿಸಲು ಸಹಾಯ ಮಾಡುತ್ತೆ. ನಾನು ಟೀಂ ಇಂಡಿಯಾಕ್ಕೆ ಪದಾರ್ಪಣೆ ಮಾಡಿದಾಗಿನಿಂದ ಧೋನಿ ಗೋಡೆಯಂತೆ ನಿಂತು ಸಪೋರ್ಟ್ ಮಾಡಿದ್ದಾರೆ. ಪಂದ್ಯ ವೇಳೆ ಮತ್ತು ಪಂದ್ಯ ಮುಗಿದ ನಂತರ ಧೋನಿ ಟಿಪ್ಸ್ ನಮಗೆ ಒಳೆಯದನ್ನ ಮಾಡಿದೆ ಕುಲ್ದೀಪ್ ಯಾದವ್ ಹೇಳಿಕೊಂಡಿದ್ದಾರೆ.
ಧೋನಿ ಪಂದ್ಯವನ್ನ ಹೇಗೆ ಗೆಲ್ಲಬೇಕು ಅಂಥ ಆಟಗಾರರಿಗೆ ಪಾಠ ಹೇಳೊದ್ರಲ್ಲಿ ಪಂಟರ್.ಧೋನಿಯ ಪ್ಲಾನ್, ಫೇಲ್ಯೂರ್ ಆಗೋದು ತೀರಾ ಕಡಿಮೆ.ಧೋನಿ ನೀಡುವ ಟಿಪ್ಸ್ ಪಡೆದ ಬೌಲರ್ಗಳು ಅದ್ಭುತ ಯಶಸ್ಸು ಸಾಧಿಸುತ್ತಾರೆ.ಹಲವು ಬೌಲರ್ಗಳು ಇದನ್ನ ಬಹಿರಂಗವಾಗಿ ಹೇಳಿಕೊಂಡಿದ್ದಾರೆ.ತಮ್ಮ ಸಕ್ಸಸ್ನ್ನ ಧೋನಿಗೆ ಅರ್ಪಿಸ್ತಾರೆ.
ಒಟ್ಟಾರೆ ಧೋನಿ ಅಂಥ ಲೆಜೆಂಡ್ ಪ್ಲೇಯರ್ ಬಗ್ಗೆ ಯಾರೇ ಆಗಿರಲಿ ಇನ್ನಾದ್ರೂ ಎಚ್ಚರಿಕೆಯಿಂದ ಮಾತನಾಡುವುದನ್ನ ಕಲಿಯಬೇಕಿದೆ.
