ಹೊಸದಿಲ್ಲಿ: ರಾಷ್ಟ್ರೀಯ ಅರ್ಹತೆ ಮತ್ತು ಪ್ರವೇಶ ಪರೀಕ್ಷೆ ( ನೀಟ್ ) 2019 ಎಕ್ಸಾಂ ಮೇ 5,2019ರಂದು ಮಧ್ಯಾಹ್ನ 2 ಗಂಟೆಯಿಂದ ಸಂಜೆ 5 ಗಂಟೆಯವರೆಗೆ ದೇಶಾದ್ಯಂತ ಒಂದೇ ಸ್ಲಾಟ್‌ನಲ್ಲಿ ಪರೀಕ್ಷೆ ನಡೆಯಲಿದೆ.
ನೀಟ್ 2019 ಪರೀಕ್ಷೆಗೆ ಪ್ರವೇಶ ಪತ್ರವನ್ನು ಇನ್ನೂ ಡೌನ್ಲೋಡ್ ಮಾಡಿಕೊಳ್ಳದ ಅಥವಾ ಪ್ರಿಂಟ್‌ಔಟ್‌ ಅನ್ನು ಕಳೆದುಕೊಂಡಿದ್ದರೆ ಅಧಿಕೃತ ವೆಬ್‌ಸೈಟ್ ntaneet.nic.in ಗೆ ಭೇಟಿ ನೀಡಿ ಪ್ರವೇಶ ಪತ್ರವನ್ನು ಡೌನ್ಲೋಡ್ ಮಾಡಿಕೊಳ್ಳಿ. ಎಕ್ಸಾಂ ಹಾಲ್‌ಗೆ ಪ್ರವೇಶಿಸಲು ನೀಟ್ 2019 ಪ್ರವೇಶ ಪತ್ರ ಬಹಳ ಮುಖ್ಯವಾಗಿದೆ. ಹೀಗಾಗಿ ನಿಮ್ಮ ಪ್ರವೇಶ ಪತ್ರದ ಪ್ರಿಂಟ್‌ ಔಟ್‌ ಅನ್ನು ಪರೀಕ್ಷಾ ಕೇಂದ್ರಕ್ಕೆ ತೆಗೆದುಕೊಂಡು ಹೋಗಿ. ಜತೆಗೆ, ಮಾನ್ಯತೆ ಇರುವ ಐಡಿ ಪ್ರೂಫ್‌ಗಳಾದ ಪ್ಯಾನ್‌ ಕಾರ್ಡ್, ವೋಟರ್‌ ಐಡಿ ಕಾರ್ಡ್, ಆಧಾರ್ ಕಾರ್ಡ್ ಅಥವಾ ಇತರೆ ಯಾವುದಾದರೂ ಐಡಿ ಪ್ರೂಫ್‌ ಅನ್ನು ತೆಗೆದುಕೊಂಡು ಹೋಗುವುದನ್ನು ಮರೆಯದಿರಿ.
ದೇಶಾದ್ಯಂತ 154 ನಗರಗಳ ವಿವಿಧ ಪರೀಕ್ಷಾ ಕೇಂದ್ರಗಳಲ್ಲಿ ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ ( ಎನ್‌ಟಿಎ ) ನೀಟ್ ಯುಜಿ 2019 ಪರೀಕ್ಷೆಯನ್ನು ಪೆನ್ ಹಾಗೂ ಪೇಪರ್‌ ಮೋಡ್‌ನಲ್ಲಿ ಮೇ 5,2019ರಂದು ನಡೆಸಲಿದೆ.
ಇನ್ನು, ನೀಟ್ ಪರೀಕ್ಷೆಗೆ ಹಾಜರಾಗುತ್ತಿರುವ ಅಭ್ಯರ್ಥಿಗಳಿಗೆ ಎನ್‌ಟಿಎ ಪುರುಷರಿಗೆ ಹಾಗೂ ಮಹಿಳೆಯರಿಗೆ ಪ್ರತ್ಯೇಕ ಡ್ರೆಸ್ ಕೋಡ್ ಅನ್ನು ನಿಗದಿ ಮಾಡಿದ್ದು, ಉಡುಪು, ಪಾದರಕ್ಷೆ ಹಾಗೂ ಇತರೆ ಉಪಕರಣಗಳ ಸಂಬಂಧ ನಿಯಮಗಳಿಗೆ ಬದ್ಧರಾಗಿರಬೇಕು. ಪರೀಕ್ಷೆಯ ಸಮಯದಲ್ಲಿ ಯಾವುದೇ ಅಕ್ರಮಗಳು, ದುರಾಚಾರಗಳು ಅಥವಾ ವಂಚನೆ ತಪ್ಪಿಸಲು ಡ್ರೆಸ್ ಕೋಡ್ ನಿಯಮಗಳನ್ನು ಅಭ್ಯರ್ಥಿಗಳು ಕಟ್ಟುನಿಟ್ಟಾಗಿ ಪಾಲಿಸಬೇಕಾಗಿದೆ.
ನೀಟ್ 2019: ಡ್ರೆಸ್‌ಕೋಡ್ ಹೀಗಿದೆ ನೋಡಿ
ಉಡುಪು: ಅಭ್ಯರ್ಥಿಗಳು ತಿಳಿ ಬಣ್ಣಗಳ ಬಟ್ಟೆಗಳನ್ನು ಧರಿಸಬೇಕು ಹಾಗೂ ಪೂರ್ತಿ ತೋಳಿನ ಬಟ್ಟೆಗಳನ್ನು ಧರಿಸುವುದು ಬೇಡ. ಹೀಗಾಗಿ ಅರ್ಧ ತೋಳಿನ ಉಡುಪು ಧರಿಸಿ. ಪರೀಕ್ಷೆಯ ನಿಗದಿತ ವೇಳೆಗಿಂತ 1 ಗಂಟೆಗೂ ಮುಂಚೆ ನೀಟ್ ಪರೀಕ್ಷಾ ಕೇಂದ್ರವನ್ನು ಅಭ್ಯರ್ಥಿಗಳು ತಲುಪುವುದು ಒಳ್ಳೆಯದು.
ಪಾದರಕ್ಷೆ: ಎನ್‌ಟಿಎ ಪರೀಕ್ಷೆಯ ನಿಯಮಾವಳಿಗಳಂತೆ ನೀಟ್ ಅಭ್ಯರ್ಥಿಗಳು ಪರೀಕ್ಷಾ ಕೇಂದ್ರಗಳ ಒಳಗೆ ಶೂ ಧರಿಸುವಂತಿಲ್ಲ. ಹೀಗಾಗಿ ಅಭ್ಯರ್ಥಿಗಳು ಸ್ಯಾಂಡಲ್ಸ್, ಚಪ್ಪಲಿಗಳನ್ನು ಅಥವಾ ಕಡಿಮೆ ಹೀಲ್ಸ್ ಇರುವ ಚಪ್ಪಲಿಗಳನ್ನು ಧರಿಸಬೇಕು
ಪುರುಷ ಅಭ್ಯರ್ಥಿಗಳಿಗೆ ನೀಟ್ 2019 ಡ್ರೆಸ್‌ಕೋಡ್
1.ಪುರುಷ ಅಭ್ಯರ್ಥಿಗಳು ಸರಳ ಶರ್ಟ್ ಅಥವಾ ಟಿ – ಶರ್ಟ್ ಧರಿಸಬೇಕು. ಅದರಲ್ಲಿ ಜಿಪ್‌, ಪಾಕೆಟ್‌, ದೊಡ್ಡ ಬಟನ್‌ಗಳು ಅಥವಾ ಯಾವುದೇ ವಿಸ್ತಾರವಾದ ಕಸೂತಿ ಇರಬಾರದು.
2. ಕುರ್ತಾ ಪೈಜಾಮ ಪರೀಕ್ಷೆಗೆ ಅನುಮತಿ ಇಲ್ಲ. ಹೀಗಾಗಿ ಅಭ್ಯರ್ಥಿಗಳು ಪ್ಯಾಂಟ್ ಧರಿಸುವುದು ಸೂಕ್ತ.
3. ಪರೀಕ್ಷಾ ಕೇಂದ್ರಕ್ಕೆ ಶೂ ಧರಿಸುವುದನ್ನು ಬಿಡಿ. ಅದರ ಬದಲು ಚಪ್ಪಲಿ ಅಥವಾ ಸ್ಯಾಂಡಲ್ಸ್‌ಗಳನ್ನು ಧರಿಸಿ.
ಮಹಿಳಾ ಅಭ್ಯರ್ಥಿಗಳಿಗೆ ನೀಟ್ 2019 ಡ್ರೆಸ್‌ಕೋಡ್
1. ಕಸೂತಿ, ಹೂವುಗಳು, ಗುಂಡಿಗಳು ಇರುವಂತಹ ಬಟ್ಟೆಗಳನ್ನು ಧರಿಸಬೇಡಿ. ಅಲ್ಲದೆ, ಅರ್ಧ ತೋಳಿನ ಬಟ್ಟೆಗಳನ್ನು ಧರಿಸಿ.
2.ಮಹಿಳಾ ಅಭ್ಯರ್ಥಿಗಳಿಗೆ ಪ್ಯಾಂಟ್ ಹಾಗೂ ಸಲ್ವಾರ್‌ ಅನ್ನು ಎನ್‌ಟಿಎ ಸಲಹೆ ನೀಡಿದೆ.
3. ಪಾದರಕ್ಷೆಗಳ ಪೈಕಿ ಚಪ್ಪಲಿ ಅಥವಾ ಕಡಿಮೆ ಹೀಲ್ಸ್‌ನ ಸ್ಯಾಂಡಲ್ಸ್‌ಗೆ ಮಾತ್ರ ಅನುಮತಿ ಇದೆ.
4.ಕಿವಿಯೋಲೆ, ರಿಂಗ್, ಪೆಂಡೆಂಟ್‌ಗಳು, ಮೂಗುತಿ, ನೆಕ್ಲೇಸ್ ಅಥವಾ ಇತರೆ ಲೋಹದ ವಸ್ತುಗಳನ್ನು ಅವಾಯ್ಡ್ ಮಾಡಿ.
ಸರ್ವೇಸಾಮಾನ್ಯವಾದ ಉಡುಪುಗಳಿಗೆ ನಿಯಮ
ಸಾಮಾನ್ಯವಾದ ಉಡುಪನ್ನು ನೀಟ್ ಯುಜಿ 2019 ಅರ್ಜಿಯಲ್ಲಿ ತುಂಬಿರುವಂತಹ ಅಭ್ಯರ್ಥಿಗಳು ನೀಟ್ ಪರೀಕ್ಷಾ ಕೇಂದ್ರಕ್ಕೆ ರಿಪೋರ್ಟಿಂಟ್‌ ಸಮಯಕ್ಕಿಂತ ಒಂದು ಗಂಟೆ ಮುಂಚಿತವಾಗಿ ಆಗಮಿಸುವುದು ಒಳ್ಳೆಯದು.
