ಬೀದರ್. ಲೋಕಸಭಾ ಕ್ಷೇತ್ರದ ಕಾಂಗ್ರೆಸ್ ಅಭ್ಯರ್ಥಿ ಈಶ್ವರ ಖಂಡ್ರೆ ಪರವಾಗಿ ಅವರ ಪತ್ನಿ ಗೀತಾ ಖಂಡ್ರೆ ಮಂಗಳವಾರ ಔರಾದ್ ಪಟ್ಟಣದಲ್ಲಿ ಪ್ರಚಾರ ನಡೆಸಿದರು.
ಔರಾದ್ ನ ಪ್ರಸಿದ ಶ್ರೀ ಅಮರೇಶ್ವರ ದೇವರ ದರ್ಶನ ಪಡೆದು ಗೀತಾ ಖಂಡ್ರೆ ಪಕ್ಷದ ಮುಖಂಡರು, ಕಾರ್ಯಕರ್ತರೊಂದಿಗೆ ಮತಯಾಚನೆ ಮಾಡಿದರು.
ರಾಜ್ಯದ ಅತಿ ಹಿಂದುಳಿದ ತಾಲೂಕು ಔರಾದ್. ಈ ತಾಲ್ಲೂಕು ಅಭಿವೃದ್ಧಿಯಲ್ಲಿ ಬಹಳ ಹಿಂದಿದೆ. ನೀರಾವರಿ ಸೇರಿ ಸಮಗ್ರ ಅಭಿವೃದ್ಧಿ ಕಾಂಗ್ರೆಸ್ ನಿಂದ ಮಾತ್ರ ಸಾಥ್. ಬಿಜೆಪಿ ಅಭ್ಯರ್ಥಿ ಈ ಕ್ಷೇತ್ರದವರಾದರೂ ಅಭಿವೃದ್ಧಿಗೆ ಕಡೆಗಣಿಸಿದ್ದಾರೆ ಎಂದು ದೂರಿದರು.
ಸುಳ್ಳು ಆರೋಪಗಳನ್ನು ಮಾಡುವುದೇ ಬಿಜೆಪಿ ಚಾಳಿಯಾಗಿದೆ. ಐದು ವರ್ಷಗಳ ಅವಧಿಯಲ್ಲಿ ಖೂಬಾ ಕೆಲಸ ಮಾಡದೆ ಔರಾದ್ ಕ್ಷೇತ್ರವನ್ನು ನಿರ್ಲಕ್ಷ್ಯ ಮಾಡಿದ್ದಾರೆ ಎಂದು ದೂರಿದರು.
ಜಿಲ್ಲೆಯ ಅಭಿವೃದ್ಧಿ ಗೆ ಖಂಡ್ರೆ ಪರಿವಾರದ ಕೊಡುಗೆ ಅಪಾರ. ಬೀದರ್ ನ ಸಮಗ್ರ ಅಭಿವೃದ್ಧಿ ಗೆ ಖಂಡ್ರೆ ಅವರಿಂದ ಮಾತ್ರ ಸಾಧ್ಯ. ಬಿಜೆಪಿ ಅಭ್ಯರ್ಥಿ ಭಗವಂತ ಖೂಬಾ ಅವರಿಗೆ ಕ್ಷೇತ್ರದ ಜನತೆ ಅವಕಾಶ ನೀಡಿದರು ಸಹ ವಿಫಲರಾಗುದ್ದಾರೆ. ಹೀಗಾಗಿ ಈ ಬಾರಿ ಯುವಕರ ಕಣ್ಮಣಿಯಾದ ಈಶ್ವರ ಖಂಡ್ರೆ ಅವರಿಗೆ ಬೆಂಬಲಿಸಬೇಕು ಎಂದು ಮನವಿ ಮಾಡಿದರು.
ಪ್ರಮುಖರಾದ ವಿಜಯಕುಮಾರ್ ಕೌಡ್ಯಾಳ, ರೆಖಾ ವಿಲಾಸ್ ಪಾಟೀಲ್, ಪಪ್ಪು ಪಾಟೀಲ, ಅನಿಲ್ ಕುಮಾರ್ ನಿರ್ಮಲೆ, ರಾಜಕುಮಾರ್ ಹಲಬುರ್ಗೆ, ಇತರರಿದ್ದರು.
