ನವದೆಹಲಿ: ನಾನು-ನೆಹರು ಹಾಗೂ ಗಾಂಧಿ ಕುಟುಂಬದ ಬೆಂಬಲಿಗ. ಅವರನ್ನು ನಾನು ರಾಷ್ಟ್ರ ನಿರ್ಮಾಣ ಮಾಡಿದವರೆಂದು ಪರಿಗಣಿಸಿದ್ದೇನೆ ಎಂದು ಹೇಳುವ ಮೂಲಕ ಬಾಲಿವುಡ್‌ ನಟ, ಬಿಜೆಪಿ ಸಂಸದ ಶತ್ರುಘ್ನ ಸಿನ್ಹಾ ತಾವು ಕಾಂಗ್ರೆಸ್ ಸೇರ್ಪಡೆಯಾಗುವುದನ್ನು ಸ್ಪಷ್ಟಪಡಿಸಿದ್ದಾರೆ.
ಇಂದು ಎಐಸಿಸಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರನ್ನು ಭೇಟಿಯಾಗಿರುವ ಶತ್ರುಘ್ನ ಸಿನ್ಹಾ, ಕಾಂಗ್ರೆಸ್ ಸೇರ್ಪಡೆ ಕುರಿತು ಚರ್ಚೆ ನಡೆಸಿದ್ದಾರೆ.
ಈ ಕುರಿತು ಕಾಂಗ್ರೆಸ್ ವಕ್ತಾರ ಶಕ್ತಿಸಿನ್ಹ ಗೋಹಿಲ್‌ ಟ್ವೀಟ್‌ ಮಾಡಿದ್ದು, ಬಿಜೆಪಿ ರೆಬೆಲ್‌ ನಾಯಕ ಶತ್ರುಘ್ನ ಸಿನ್ಹಾ ಅವರು ಅಧಿಕೃತವಾಗಿ ಏ. 6ರಂದು ವಿಪಕ್ಷ ಕಾಂಗ್ರೆಸ್‌ಗೆ ಸೇರಲು ನಿರ್ಧರಿಸಿದ್ದು, ನಮ್ಮ ನಾಯಕ ಮತ್ತು ಸ್ಟಾರ್‌ ಪ್ರಚಾರಕರಾಗಿ ಅವರು ಕಾರ್ಯ ನಿರ್ವಹಿಸಲಿದ್ದಾರೆ ಎಂದು ಖಚಿತಪಡಿಸಿದ್ದಾರೆ.
ರಾಹುಲ್ ಗಾಂಧಿ ಭೇಟಿ ಬಳಿಕ ಮಾತನಾಡಿರುವ ಶತ್ರುಘ್ನ ಸಿನ್ಹಾ , ರಾಹುಲ್ ಅತ್ಯಂತ ಪ್ರೋತ್ಸಾಹಿಸುವ ಮತ್ತು ಧನಾತ್ಮಕವಾಗಿರುವ ವ್ಯಕ್ತಿ. ಅವರು ನನಗಿಂತ ಚಿಕ್ಕವರು, ಆದರೆ ಅವರು ದೇಶಕ್ಕೆ ಪ್ರಸಿದ್ಧ ನಾಯಕರಾಗಿ ಹೊರಹೊಮ್ಮಿದ್ದಾರೆ. ನಾನು ನೆಹರು – ಗಾಂಧಿ ಕುಟುಂಬದ ಬೆಂಬಲಿಗ. ಅವರನ್ನು ನಾನು ರಾಷ್ಟ್ರ ನಿರ್ಮಾಣ ಮಾಡಿದವರೆಂದು ಪರಿಗಣಿಸಿದ್ದೇನೆ ಎಂದು ಹೇಳಿದರು.
Shatrughan Sinha meets Congress President Rahul Gandhi in Delhi.
