ಐಪಿಎಲ್‍ನಲ್ಲಿ ಆರ್‍ಸಿಬಿ ತಂಡ ಇದುವರೆಗೂ ಯಾಕೆ ಚಾಂಪಿಯನ್ ಆಗಿಲ್ಲ ಎನ್ನುವುದರ ಕುರಿತು ಸ್ವತಃ ತಂಡದ ನಾಯಕ ವಿರಾಟ್ ಕೊಹ್ಲಿ ರಿವೀಲ್ ಮಾಡಿದ್ದಾರೆ.
ಐಪಿಎಲ್ ಟೂರ್ನಿಯಲ್ಲಿ ಆರ್‍ಸಿಬಿ ತಂಡ ಬಲಿಷ್ಠ ತಂಡವಾಗಿ ಗುರುತಿಸಿಕೊಂಡು ಬಂದಿದೆ.
ಆದರೆ ಇದುವರೆಗೂ ಚಾಂಪಿಯನ್ ಆಗುವ ಅದೃಷ್ಟ ಮಾತ್ರ ಕೂಡಿ ಬಂದಿಲ್ಲ. ಕಳೆದ ಹನ್ನೊಂದು ಸೀಸನ್‍ಗಳಿಂದ (2009, 2011 ಮತ್ತು 2016) ಆವೃತ್ತಿಗಳಲ್ಲಿ ಫೈನಲ್ ತಲುಪಿದ್ದರೂ ಪ್ರಶಸ್ತಿ ಗೆಲ್ಲುವಲ್ಲಿ ವಿಫಲವಾಗಿದೆ.
ಆರ್‍ಸಿಬಿ ತಂಡ ಯಾಕೆ ಚಾಂಪಿಯನ್ ಆಗಿಲ್ಲ ಅನ್ನೋದಕ್ಕೆ ವಿರಾಟ್ ಕೊಹ್ಲಿ ಉತ್ತರ ಕೊಟ್ಟಿದ್ದಾರೆ. ನಾವು ವಿಫಲರಾಗಿರೋದರ ಹಿಂದೆ ನಮ್ಮ ತಪ್ಪು ನಿರ್ಧಾರಗಳೇ ಕಾರಣ.
ನಾನು ಇಲ್ಲಿ ಕುಳಿತು ನಮ್ಮ ಲಕ್ ಚೆನ್ನಾಗಿರಲ್ಲಿಲ್ಲ ಎಂದು ಹೇಳಿದರೆ ಅದು ತಪ್ಪಾಗುತ್ತದೆ. ನಿಮ್ಮ ಅದೃಷ್ಟವನ್ನ ನೀವೆ ಹುಡುಕಿಕೊಳ್ಳಬೇಕು. ನೀವು ಕೆಟ್ಟ ನಿರ್ಧಾರಗಳನ್ನ ತೆಗೆದುಕೊಂಡರೆ ಬೇರೆ ತಂಡಗಳಿಗೆ ಒಳ್ಳೆಯದಾಗುತ್ತದೆ ನೀವು ಸೋಲುತ್ತೀರಿ. ನಾವು ದೊಡ್ಡ ಪಂದ್ಯಗಳನ್ನ ಆಡುವಾಗ ನಮ್ಮ ನಿರ್ಧಾರಗಳು ಸರಿಯಾಗಿರೋದಿಲ್ಲ ಎಂದು ಉತ್ತರಿಸಿದ್ದಾರೆ.
